O’zbekiston oziq-ovqat sanoati uyushmasi a’zolari uchun yana bir bepul ko’rgazma!

Qadrli tadbirkorlar!

Turkiyaning SOFUAR xalqaro ko’rgazma kompaniyasi tomonidan 2021-yil 10-iyundan 12-iyungacha O’zbekistonda ishbilarmon doira vakillarini bir joyga to’playdigan uchrashuv o’tkazish rejalashtirilmoqda.

Bu AGRO-PACK UZBEKISTAN xalqaro ko’rgazmasi bo’lib, unda oziq-ovqat texnologiyalari, qadoqlash va issiqxona uskunalari taqdimotlari bo’lib o’tadi.

Mazkur tadbir O’zbekistonda ikkinchi marta tashkil etilmoqda. Ko’rgazma doirasida o’zbek va turk tadbirkorlari o’rtasida B2B shaklida uchrashuvlar bo’lib o’tadi. Ko’rgazmada Turkiyaning turli uskunalarni ishlab chiqaradigan 30 ta yetakchi kompaniyasi ishtirok etadi.

Ko’rgazmada ishtirok etish narxi:
25-40 million so’m.

O’zbekiston oziq-ovqat sanoati uyushmasi a’zolari uchun ko’rgazmada ishtirok etish mutlaqo bepul!

Ko’rgazmada qatnashish istagida bo’lganlar, quyidagi raqamga murojaat qiling:

+998712203313
+998997232211

Eron 2020-yilda 800 million dollarlik meva-sabzavot mahsulotlarini eksport qildi.

2021-yil mart oyi oxiriga kelib Eron 743 ming tonna yangi pishgan olma eksport qildi. Bundan tashqari, mart oyida eksport o’tgan yilga nisbatan 157 ming tonna yuqori bo’ldi!

Taqqoslash uchun, Ukraina 2021-yil martgacha Eronga qaraganda o’rtacha 4 baravar kam olma eksport qildi.

Aprel-iyul oylarida Erondan olma eksporti 180-220 ming tonna, mavsum davomida esa uning umumiy hajmi 950 ming tonnani tashkil etadi.

Avvalgi mavsumda Erondan olma sotib oluvchi asosiy bozorlar Iroq, Rossiya va Afg’oniston edi. 2020-yil avgustidan 2021-yil martigacha bo’lgan davrda Eron olma eksportining 73%i ushbu uch mamlakatga to’g’ri keldi. Erondan yana 29 foiz olma Hindiston, Birlashgan Arab Amirliklari va Qozog’istonga yetkazib berildi.

Ba’zi mamlakatlarda piyoz, bodring va sabzi narxi sezilarli darajada o’zgardi.

Aprel oyining so’nggi haftasida O’zbekiston, Tojikiston, Belorusiya, Ukraina, Gruziyada piyoz, bodring va sabzi narxi sezilarli darajada o’zgardi.

Gruziyada bodring narxi ushbu haftada 46,8 foizga kamaydi.

Belorusiyada bu davrda bodring narxi, aksincha, oshdi (o’tgan haftaga nisbatan + 53,5%): qisqa yumaloq bodring 2,45 dollar / kg, issiqxonada yetishtirilgan uzun silliq bodring – 1,95 dollar / kg.

O’zbekistonda sabzi narxi o’sishda davom etmoqda (o’tgan haftaga nisbatan + 25,4%) va shu hafta oxirida uning narxi $ 0.48 / kg ga yetdi. Yangi va eski sabzi ekinlarining narxi hali barqarorlashmagan. O’tgan yilgi sabzi zaxirasi oz, yangi hosil hali ko’p emas.

Ukrainada ham sabzi narxi sezilarli darajada oshdi – o’tgan haftaga nisbatan 41,6%.

Tojikistonda piyoz narxi 55 foizga pasaygan. Ayni paytda Tojikistonda piyozni 0,05 dollar / kg ga sotib olish mumkin.

Murojaat uchun:
+998997232111
+998712203313

Ukrainada sarimsoqning Ayder nomli yangi turi 2021-yil mart oyida ro’yxatdan o’tkazildi.

Yangi nav yaratilishining asosiy sabablaridan biri mamlakat aholisini 10-12 tonna / g dan yuqori bo’lgan sifatli savdo mahsulotlari bilan ta’minlashdir. Yuqori mahsuldorlik Ayder navining kichraytirilganligi bilan bog’liq bo’lib, u yuqori zichlikka bardosh bera oladi. Mazkur nav bir donasining og’irligi 50 g dan oshadi.

Hozirgi paytga qadar Ayder navi konserva va go’shtni qayta ishlash korxonalari, shuningdek chakana savdo tarmoqlarida sinovdan o’tkazildi.

2020-yilda yangi navning birinchi hosili Yevropa Ittifoqi mamlakatlari, xususan, Litvaga yetkazib berildi. Yevropalik iste’molchilar ushbu mahsulotning organoleptik xususiyatlari va agrotexnologik ko’rsatkichlari bo’yicha sifatidan qoniqishdi. Bundan tashqari, yangi navning kasallik va zararkunandalarga chidamliligi xaridorlarga juda ma’qul bo’ldi.

Murojaat uchun:
+998997232111
+998712203313

2021-yil 1-maydan 31-dekabrgacha ayrim turdagi oziq-ovqat mahsulotlari QQS dan ozod qilindi

2021-yil 1-maydan 31-dekabrga qadar bo‘lgan davrda:

• o‘simlik yog‘i, kungaboqar va zig‘ir urug‘i, shuningdek, soya danagi importi;

• o‘simlik yog‘ini ishlab chiqarish va (yoki) realizatsiya qilish bo‘yicha mablag‘lar aylanmasi QQSdan ozod qilinmoqda.

Bundan tashqari:

• kungaboqar va paxta urug‘iga — bojxona qiymatining 30 foizi, biroq 1 kg uchun 0,2 dollardan kam bo‘lmagan miqdorda;

• kungaboqar yog‘iga — 20 foiz, biroq 1 kg uchun 0,2 dollardan kam bo‘lmagan miqdorda;

• paxta yog‘iga — 50 foiz, biroq 1 kg uchun 0,5 dollardan kam bo‘lmagan miqdorda eksport boji joriy etilmoqda.

Mazkur xabar Oliy Majlis Qonunchilik Palatasida “Ayrim turdagi oziq-ovqat mahsulotlariga bo‘lgan ehtiyojni ta’minlashning qo‘shimcha choralari to‘g‘risida”gi Qonun loyihasida ko‘rib chiqilib, Oliy Majlis Senati tomonidan ma’qullandi.

Murojaat uchun:
+998997232111
+998712203313

O’zbekistondan Malayziyaga quritilgan mevalar, anjir murabbosi va asal eksport qilindi

O’zbekistonning Kuala-Lumpur shahridagi elchixonasi ko’magida Malayziyaga quritilgan mevalar (bodom, yong’oq, mayiz va o’rik chuqurlari), anjir murabbosi va asal yetkazib berildi.

Tovarlarni yetkazib beruvchi o’zbek eksportchisi hisoblangan Golden Prime Food LLC, importyor esa Malayziyaning Deli Fruits Trading savdo shirkatidir.

Koronavirus pandemiyasi sababli O’zbekiston va Malayziya o’rtasida to’g’ridan-to’g’ri reyslar yo’qligi tufayli mahsulotlar Kuala-Lumpur shahriga yangi transport koridori – Turkiya orqali olib borildi.

Deli Fruits Trading menejeri Nazatul Shima so’zlariga ko’ra, o’zbek mahsulotlarining qabul qilingan partiyasini sotish Kuala-Lumpur shahri va Malayziyaning Johor shtati savdo tarmoqlarida amalga oshiriladi. Uning aytishiga qaraganda, o’zbek meva-sabzavotlarining navbatdagi partiyasini yuborish may oyiga mo’ljallangan.

Bozorlarda giloslar sotuvga qoyilgan, ammo narxlar o’tgan yilga qaraganda 3 barabar yuqori

O’zbekiston supermarketlarida 2021-yilgi yangi hosilning birinchi shirin gilosi o’tgan yilgi vaqtdagiga nisbatan deyarli bir hafta oldin paydo bo’ldi.

Mazkur holat fevral oyidagi g’ayritabiiy iliq ob-havo tufayli mevalarning erta gullashi va buning natijasida, hosilning katta qismi yo’qolishi ortidan yuzaga keldi.

Hozirda giloslar Makro supermarketlar tarmog’i do’konlarida 100 gramm uchun 19,999 so’mdan, ya’ni 199,990 so’m / kg (kg uchun 19,05 dollar)dan sotilmoqda

Mamlakatimizda bu yilgi birinchi gilos o’tgan yilga qaraganda uch baravar (!) qimmatroq (6-7 dollar bilan taqqoslaganda 19,05 dollar).

Joriy yilgi mavsumda gilos narxining o’tgan yilga nisbatan yuqori bo’lishining asosiy sababi fevral oyi oxiri va mart o’rtalarida sodir bo’lgan sovuq havoning oqibatlaridandir.

Murojaat uchun:
+998997232111
+998712203313

2021-yilning yanvar-mart oylarida Oʻzbekistondan qiymati 133,8 mln. AQSH dollariga teng boʻlgan 218,0 ming tonna meva va sabzavotlar eksport qilingan.

Davlat statistika qoʻmitasi maʼlumotlariga ko’ra, 2021-yilning yanvar-mart oylarida Oʻzbekistondan qiymati 133,8 mln. AQSH dollariga teng boʻlgan 218,0 ming tonna meva va sabzavotlar eksport qilingan.

Uch oylik eksport qiymati va tarkibi quydagicha:

  • meva va rezavorlar – 28,8 ming tonna
  • quritilgan meva va rezavorlar – 18,8 ming tonna
  • sabzavotlar – 163,7 ming tonna
  • qalampir – 4,3 ming tonna
  • uzum – 2,0 ming tonna
  • mayiz – 11,6 ming tonna
  • yeryongʻoq – 7,3 ming tonna
  • tarvuz-qovun – 309,8 tonna

Murojaat uchun:
+998997232111
+998712203313

2020/21-yillarda dunyo miqyosida pista ishlab chiqarish hajmi 1 million tonnaga yetishi mumkin

AQSh Qishloq xo’jaligi vazirligi (USDA) ma’lumotlariga ko’ra, 2020/21-yilgi mavsumda dunyo miqyosida pista ishlab chiqarish 985 ming tonnani tashkil etdi. O’tgan mavsumga nisbatan ishlab chiqarishning o’sishi 40% ga yetdi.

Jahonda pista ishlab chiqarilishining ko’payishiga Qo’shma Shtatlar va Turkiyadagi yuqori hosil tufayli erishildi.

AQShda pista ishlab chiqarish 42 foizga o’sib, rekord ko’rsatkich – 476 ming tonnani tashkil etdi. Qo’shma Shtatlarda pista ishlab chiqarishning ko’payishiga tabiat siklidan tashqari, pista ekin maydonlarining tez kengayishi ham ta’sir qilgan.

Eronda esa pista ishlab chiqarish 7 foizga ya’ni 190 ming tonnagachaga kamaydi.

Murojaat uchun:
+998997232111
+998712203313

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »