Kelajak texnologiyasi: 2D bog‘dorchilikning qanday afzalliklari bor?

Jahon bog‘dorchiligida uch (3D) o‘lchamli meva yetishtirish o‘rniga ikki o‘lchamli (2D)ga o‘tish kelgusidagi standartga aylanishi mumkin.

Boshqacha aytganda, agar hozir daraxt yoki butalarning hajmi (hatto intensiv bog‘larda ham) balandligi, eni va uzunligi bo‘yicha o‘lchansa, kelajakda faqat eni va balandlikdagi o‘lchamli texnologiyalar afzalroq bo‘ladi. Bunday bog‘da qatorlar butunlay “tekis” ko‘rinishga o‘tadi.

Jahonning istalgan mamlakatida bog‘dorchilikning asosiy muammosi — mavsumiy ishchilarni yig‘im-terim, shuningdek, boshqa yumushlarga ko‘p yollash zaruratidir. 2D bog‘lari kelajakda ushbu ehtiyojga umuman hojat qoldirmaydi!

Mavsumiy ishchilarni yollash zarurati bo‘lmagan bog‘dorchilik qanday afzallik va imkoniyatlarni taklif eta oladi?

Bu usul meva narxini pasaytirish imkoniyatini beradi va odatda, har qanday biznesdagi barcha jarayonlarga salbiy taʼsir ko‘rsatadigan «inson omili»ni yo‘qotadi.

Mars tuprog‘ida sabzavot o‘stirildi

Mutaxassislar Mars tuprog‘ida sholg‘om, turp va salat bargi o‘stirishga muvaffaq bo‘lishdi. Biroq, ushbu mahsulotlar yerdagi muqobillariga o‘xshamaydi.

Yangi tadqiqotda olimlar Qizil sayyoradagi vulqon jinslarini o‘rganib, o‘simlik yetishtirish bo‘yicha tajriba o‘tkazishdi.

Tadqiqotchilar, odatda, chorva uchun pichan sifatida yig‘ib olinadigan beda o‘simligi yaxshi o‘sishini aniqlashdi.

Bundan tashqari, beda maydalanganda hosil bo‘lgan kukun taqir tuproqda sholg‘om, turp va salat o‘sishi uchun o‘g‘it sifatida xizmat qilishi mumkinligi maʼlum bo‘ldi.

Mutaxassislar, shuningdek, dengiz bakteriyalari yordamida Marsning sho‘r suvini tuzsizlantirish mumkinligini kashf qilishdi.

Biroq, olimlar yetishtirgan o‘simliklar Yer yuzidagi mahsulotlarga o‘xshamadi, chunki ular yerdagi muqobillariga nisbatan u qadar to‘yimli emas.

Murojaat uchun:

+998997232111

+998712203313

Portugaliyadagi qurg‘oqchilik don, olma va kartoshka hosilini 30 foizga qisqartirishi mumkinligi aytilmoqda.

Pomidor va guruchni hisobga olmaganda, 2022 yilgi mavsumda Portugaliyada hosildorlik pasayishi uzoq davom etgan qurg‘oqchilik tufayli kutilganidan ham oshib ketdi.

Portugaliya Milliy statistika instituti maʼlumotlariga ko‘ra, olma hosili 15 foizga, nok hosili 30 foiz, shaftoli hosili 25 foiz, uzum hosili 10 foizga qisqarishi kutilmoqda.

Aytish joizki, dunyoda kechayotgan oqlim o‘zgarishi tufayli ko‘plab mamlakatlar shu kabi oziq-ovqat inqiroziga duch kelmoqda.

Murojaat uchun:

+998997232111

+998712203313

Hindistonda har yili tashkil etiladigan oziq-ovqat mahsulotlarini eksport qilish bo‘yicha eng yirik tadbir – «INDUS FOOD – 2022» ga start berildi!

«INDUS FOOD – 2022» ko‘rgazmasi Hindistonning eng yirik savdo tadbirlaridan biri bo‘lib, unda bu yili 700 dan ziyod hind ishlab chiqaruvchilari o‘z mahsulotlarini namoyish etishadi.

Shuningdek, ko‘rgazmaga 80 mamlakatdan 1300 dan ortiq oziq-ovqat sanoati sohasi vakillari: ishlab chiqaruvchilar, distribyutorlar, global xaridorlar kelishi kutilmoqda.

Ayni paytda O‘zbekiston Oziq-ovqat sanoati uyushmasi tomonidan ushbu xalqaro ko‘rgazmaga boradigan tadbirkorlar ro‘yxati shakllantirilmoqda.

Sizda ham mazkur yirik tadbirda ishtirok etish istagi bo‘lsa, quyidagi raqamlarga murojaat qilishingiz mumkin:

+998 98 577 53 53

O‘zbekiston va Pokiston kompaniyalari guruhi o‘rtasida 10 mln. AQSH dollarilik hamkorlik memorandumi imzolandi.

O‘zbekistonning «Evergreen Agriculture» kompaniyasi va Pokistonning H.K.M kompaniyalar guruhi o‘rtasida 10 mln. AQSH dollarilik hamkorlik memorandumi imzolandi.

Toshkent shahri imzolangan mazkur memorandum tovar va xizmatlarni O‘zbekistondan boshqa mamlakatlarga eksport qilishni rag‘batlantirishni o‘z ichiga oladi.

Memorandum doirasida tijorat vositachilik operatsiyalarini o‘tkazish, tovarlarni o‘z mablag‘lari hisobiga va konsignatsiya asosida sotib olish, bozor tahlili (tarmoqlar bo‘yicha talab va taklif, daraja, o‘rtacha vaznli narxlar, buyurtma portfeli, boshqa parametrlar)ni yig‘ish, chet elda potensial xaridorlarni qidirish, yuqori texnologiyali va innovatsion mahsulotlarni ishlab chiqarishni tashkil etish va sotishning hamkorlikda amalga oshirilishiga kelishib olindi.

Ikki tashkilot o‘rtasidagi memorandum O‘zbekiston Oziq-ovqat sanoati uyushmasi ko‘magi bilan imzolandi!

Latviya ELBI kompaniyasi O’zbekistonda 3 ming tonna qovun sotib olishni rejalashtirmoqda

O‘zbekistonning Riga shahridagi elchixonasi ko‘magi bilan “ELBI” kompaniyasi tomonidan Sirdaryo viloyatining Mirzaobod tumanida o‘zbek fermerlari yetishtirgan katta miqdordagi poliz mahsulotlarini Latviyaga yetkazib berish tashkil qilindi.

2020 yil oxirida Latviya o‘zbek qovunlarini sotib olish bo‘yicha eng yirik importchilarning beshtaligiga kirdi. Joriy yilda ELBI kompaniyasi O‘zbekistondan 400 tonna karam va 400 tonna piyoz import qildi. 2021 yil oxiriga qadar Latviyaning ELBI kompaniyasi 3 ming tonnagacha o‘zbek qovunini xarid qilishni rejalashtirmoqda.

Maʼlumot uchun, Latviyaning “ELBI” kompaniyasi 1992 yilda tashkil topgan bo‘lib, meva-sabzavot mahsulotlarini Yevropa bozoriga yirik import qiluvchilardan biri hisoblanadi. Mazkur tashkilot Riga va Latviya, Estoniya va Litvaning boshqa hududlaridagi do‘konlar, supermarketlarga ekspeditsiya olib boradi.

Murojaat uchun:

+998997232111

+998712203313

Malayziya Palma yog‘i Kengashi(MPOC) bilan video-konferensiya bo‘lib o‘tdi

O‘zbekistonning Malayziyadagi elchixonasi, Malayziya Palma yog‘i Kengashi(MPOC) hamda O‘zbekiston Oziq-ovqat sanoati uyushmasi o‘rtasida videokonferensiya tashkil etildi.

Masofaviy muloqot davomida Malayziyadan O‘zbekistonga palma yog‘i importi hajmini oshirish, mavjud kamchiliklarga hamkorlikda yechim topish masalalari ko‘rib chiqildi.

Uchrashuvda uyushma xodimlari tomonidan mamlakatimizdagi qishloq xo‘jaligi ekinlarini xalqaro sifat standartlari asosida qayta ishlash hajmini oshirish, shuningdek, ichki va tashqi bozorlarda raqobatbardosh oziq-ovqat mahsulotlarini ishlab chiqarishga qaratilgan chora-tadbirlar to‘g‘risida batafsil maʼlumot berildi.

Tadbirning samarasi o‘laroq, Malayziya palma yog‘i Kengashi vakillari va uning aʼzolarini O‘zbekistonda tashkil etiladigan B2B uchrashuvlari, ko‘rgazmalarga jalb etishga kelishib olindi.

Video-konferensiya O‘zbekistonning Malayziyadagi elchixonasi yordamida tashkil etildi. Ko‘mak uchun Oziq-ovqat sanoati uyushmasi jamoasi elchi janoblari Ravshan Usmonovga o‘z samimiy minnatdorchiligini bildirib o‘tadi.

Tojikistonning issiqxonalarda yil boshidan buyon 534,6 tonnadan ortiq pomidor yig’ildi.

Tojikistonda joriy yil may oyi boshiga qadar issiqxonalardan 534,6 tonnadan ortiq pomidor, 102,4 tonna bodring va 283 tonnadan ortiq boshqa sabzavot turlari yig’ib olindi.

Tojikiston Qishloq xo’jaligi vazirligi o’simliklarni yetishtirish departamentining tezkor ma’lumotlariga ko’ra, mamlakatda issiqxona sabzavotlari qariyb 86 gektar maydonda o’sadi.

Tojikistonda mazkur yil boshidan beri doimiy issiqxonalarda sabzavot ekish 85,1 gektar maydonda amalga oshirilgan.

Pomidorlar 53,2 gektar maydonda, bodring 15 gektar maydonda o’stiriladi, qolgan issiqxonalarni boshqa sabzavot turlari egallaydi.

Ayni paytda Tojikistonning markaziy qism bozorlaridagi pomidorning bir kilogrammi naviga qarab 15 dan 20 somoniygacha (1,33 – 1,75 dollar) narxda sotilmoqda.

Murojaat uchun:
+998997232111
+998712203313

Eron 2020-yilda 800 million dollarlik meva-sabzavot mahsulotlarini eksport qildi.

2021-yil mart oyi oxiriga kelib Eron 743 ming tonna yangi pishgan olma eksport qildi. Bundan tashqari, mart oyida eksport o’tgan yilga nisbatan 157 ming tonna yuqori bo’ldi!

Taqqoslash uchun, Ukraina 2021-yil martgacha Eronga qaraganda o’rtacha 4 baravar kam olma eksport qildi.

Aprel-iyul oylarida Erondan olma eksporti 180-220 ming tonna, mavsum davomida esa uning umumiy hajmi 950 ming tonnani tashkil etadi.

Avvalgi mavsumda Erondan olma sotib oluvchi asosiy bozorlar Iroq, Rossiya va Afg’oniston edi. 2020-yil avgustidan 2021-yil martigacha bo’lgan davrda Eron olma eksportining 73%i ushbu uch mamlakatga to’g’ri keldi. Erondan yana 29 foiz olma Hindiston, Birlashgan Arab Amirliklari va Qozog’istonga yetkazib berildi.

Ba’zi mamlakatlarda piyoz, bodring va sabzi narxi sezilarli darajada o’zgardi.

Aprel oyining so’nggi haftasida O’zbekiston, Tojikiston, Belorusiya, Ukraina, Gruziyada piyoz, bodring va sabzi narxi sezilarli darajada o’zgardi.

Gruziyada bodring narxi ushbu haftada 46,8 foizga kamaydi.

Belorusiyada bu davrda bodring narxi, aksincha, oshdi (o’tgan haftaga nisbatan + 53,5%): qisqa yumaloq bodring 2,45 dollar / kg, issiqxonada yetishtirilgan uzun silliq bodring – 1,95 dollar / kg.

O’zbekistonda sabzi narxi o’sishda davom etmoqda (o’tgan haftaga nisbatan + 25,4%) va shu hafta oxirida uning narxi $ 0.48 / kg ga yetdi. Yangi va eski sabzi ekinlarining narxi hali barqarorlashmagan. O’tgan yilgi sabzi zaxirasi oz, yangi hosil hali ko’p emas.

Ukrainada ham sabzi narxi sezilarli darajada oshdi – o’tgan haftaga nisbatan 41,6%.

Tojikistonda piyoz narxi 55 foizga pasaygan. Ayni paytda Tojikistonda piyozni 0,05 dollar / kg ga sotib olish mumkin.

Murojaat uchun:
+998997232111
+998712203313

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »