Yangi Zelandiyaning Plant & Food Research Ltd kompaniyasida o‘rikning yangi navlari yaratildi

Yangi Zelandiyaning Plant & Food Research Ltd kompaniyasida o‘rikning yangi navlari yaratildi va hozirgi kunda ularni mamlakat bog‘bonlari sinovdan o‘tkazmoqda.

Ushbu danakli mevani yetishtiruvchilar yangi navlarning yaxshi taʼm sifati, tashqi ko‘rinish va saqlash muddatiga ega bo‘lishini maqsad qilishgan.

Kompaniya mutaxassislari yangi navlarni yaratish uchun jami 20 yil vaqt sarflashdi. Seleksiya ishlari boshlanishidan avval kechpishar Moorpark navlari, shuningdek, Yangi Zelandiyaga introdutsiyalangan Clutha navlari to‘plami va kechki navlarning Trevatt cross bloki o‘rganildi.

Ayni paytda o‘rikning yangi navlari Yangi Zelandiyadagi 20 ta bog‘dorchilik kompaniyasida sinovdan o‘tkazilmoqda. Tajriba bog‘larining umumiy maydoni 46 gektarga yaqin bo‘lib, ularda 44-46 ming tup uchta yangi nav – NZsummer2, 3 va 4 ekilgan.

Manba: EastFruit nashri

O‘zbekistondan Transkaspiy yo‘nalishi orqali Yevropaga ilk marta yuk jo‘natildi.

O‘zbekistondan Bolgariyaning Burgas portiga «O‘rta transport yo‘lagi» bo‘ylab birinchi konteynerli blok poyezd jo‘nab ketdi.

«Ushbu yuk poyezdi mis konsentratidan iborat 46 ta vagon va 91 dona 20-futlik konteynerdan tashkil topgan. Konteyner poyezdi «O‘zbekiston – Turkmaniston – Ozarbayjon – Gruziya – Bolgariya/ Yevropa» yo‘nalishi bo‘ylab 4000 km dan ortiq masofani bosib o‘tadi», – deyiladi EastFruit nashrida.

«O‘rta yo‘lak» yoki Transkaspiy xalqaro transport yo‘nalishi (TXTY) deb ham ataladigan transport yo‘lagi, aslida, Xitoydan Yevropaga yuklarni yetkazib berish uchun 2017 yilda faoliyat boshlagan Rossiya Transsib temir yo‘liga muqobildir.

U Xitoy, Qozog‘iston orqali Kaspiy dengizi akvatoriyasi, Ozarbayjon, Gruziya va undan keyin Turkiya hamda Yevropa mamlakatlariga o‘tadi.

Murojaat uchun:

+998997232111

+998712203313

2022 yilda O‘zbekistondan meva-sabzavot importini o‘tgan yilning shu davriga nisbatan ikki barobar oshirdi

Rossiya oziq-ovqat chakana savdo bozoridagi yetakchi riteylerlardan biri bo‘lmish “Magnit” tarmog‘i 2022 yilda O‘zbekistondan meva-sabzavot importini o‘tgan yilning shu davriga nisbatan ikki barobar oshirdi.

Maʼlumotlarga ko‘ra, 2022 yil yanvar-noyabr oylarida O‘zbekistondan “Magnit” do‘konlariga meva-sabzavot yetkazib berishning umumiy hajmi 3,5 milliard rubl yaʼni hozirgi 54,4 mln. dollardan ko‘paygan.

Xususan, o‘tgan yilning shu davriga nisbatan xurmo importi qariyb ikki barobar, uzum ikki barobardan ziyod, olxo‘ri importi esa uch barobar oshdi.

Joriy yilda import strukturasi yangi mahsulot toifalari va navlari hisobiga kengaydi: anor, limon, shaftoli, olxo‘ri mevalari hamda va qovoq sabzavoti hamda ularning turli navlari shular jumlasidandir . Bundan tashqari, “Magnit” tarmog‘i O‘zbekistondan yong‘oq va yarimtayyor mahsulotlarni ham import qila boshladi.

Manba: EastFruit

Murojaat uchun:

+998997232111

+998712203313

Davlat statistika qo‘mitasi maʼlumotlariga ko‘ra, 2022 yilning yanvar-noyabr oylarida O‘zbekistonga 127,2 ming tonna banan import qilingan.

Banan importi hajmi o‘tgan yilning mos davri bilan solishtirilganda 57,4 ming tonnaga oshgan.

2022 yilning 11 oyida O‘zbekiston eng ko‘p banan import qilgan davlatlar:

• Ekvador – 125,9 ming tonna

• Qozog‘iston – 426 tonna

• Turkmaniston – 324 tonna

• Turkiya – 197 tonna

• Hindiston – 144 tonna

• Qirg‘iz R. – 99 tonna

• Xitoy – 19 tonna

Manba:

Murojaat uchun:

+998997232111

+998712203313

OPEC Xalqaro taraqqiyot jamg‘armasi O‘zbekistonga muhim qishloq xo‘jaligi mahsulotlari xaridi (importi) uchun savdoni moliyalashtirishda jami 100 million dollar ajratyapti.

“Tojikistonda limonning hatto chakana narxi 1 kg uchun 50 AQSH senti ekvivalentiga tushib ketgan — hech qachon nobunday bo‘lmagan edi. Fermerlar hayratda – pishib yetilgan limonlar shunchaki daraxtda qolib ketgan, chunki ularga talab yo‘q«, deydi BMTning Oziq-ovqat va qishloq xo‘jaligi tashkiloti (FAO) xalqaro maslahatchisi Baxtiyor Abduvohidov.

O‘zbekistonda esa vaziyat biroz yaxshiroq, Toshkentdagi bir necha yirik supermarketlarda limon 1 kg uchun 1 dollardan biroz pastroq chakana narxda sotilmoqda, biroq bu yerdagi tendensiya ham mahalliy limon yetishtiruvchilarni xursand qilmayapti. Zero, yilning shu davrida chakana savdoda limon uchun bu qadar arzon narxlar bo‘lmagan.

Murojaat uchun:

+998997232111

+998712203313

OPEC Xalqaro taraqqiyot jamg‘armasi O‘zbekistonga muhim qishloq xo‘jaligi mahsulotlari xaridi (importi) uchun savdoni moliyalashtirishda jami 100 million dollar ajratyapti.

“O‘zbekiston don, sabzavot, shakar kabi mahsulotlarning netto-importyori hisoblanadi va bu mahsulotlarning deyarli 40 foizi ushbu mamlakatga Qora dengiz hududidan yetkazib beriladi. Ukrainadagi urushning global oqibatlari, jumladan, oziq-ovqat va xom ashyo narxlari oshishi sharoitida oziq-ovqat xavfsizligini taʼminlash masalasi juda muhimdir«, deyiladi OPEC Xalqaro taraqqiyot jamg‘armasi press-relizida.

Ekspertlarning fikriga ko‘ra, bu o‘rinda sabzavot deyilganda kartoshka tushuniladi. Chunki kartoshka O‘zbekistonning meva-sabzavot segmentidagi eng yirik import pozitsiyasidir va mamlakat oziq-ovqat xavfsizligini taʼminlashda bu sabzavotning ahamiyati juda muhim.

Qayd etilishicha, ajratilayotgan mablag‘ O‘zbekiston oziq-ovqat bozorini arzon narxlardagi zarur tovarlar bilan barqaror taʼminlashga xizmat qiladi.

2022 yilning iyun oyida OPEC jamg‘armasi 2022-2025 yillarga mo‘ljallangan oziq-ovqat xavfsizligi bo‘yicha o‘zining 1 milliard dollarlik Harakatlar rejasini eʼlon qildi. Bu reja asosiy tovarlar importini moliyalashtirishni taʼminlaydi va shu orqali hamkor mamlakatlarda o‘rta va uzoq muddatli istiqbolda barqaror oziq-ovqat taʼminotini taʼminlashga yordam beradi.

Murojaat uchun:

+998997232111

+998712203313

Hurmatli vatandoshlar!

Barchangizni O‘zbekiston Respublikasi Konstitutsiyasi qabul qilinganligining 28 yilligi munosabati bilan samimiy qutlaymiz!

Hayotiy qadamlarimiz orasida doimo adolat hukmron bo‘lsin! Yurtimizning tinchiligi, xalqimizning farovonligiga hech qachon ko‘z tegmasin!

Hurmat bilan O‘zbekiston Oziq-ovqat sanoati uyushmasi jamoasi…

O‘zbekiston 2022 yilda olma, banan, kivi, sitrus mevalari va boshqa mevalar importini keskin oshirdi.

Xususan, 2022 yilning 10 oyida mamlakatimizga meva importi hajmi rekord darajadagi 90 million dollarga yetdi, bu 2021 yilning shu davridagi importga nisbatan 2,1 baravar, 2020 yilning yanvar-oktyabr oylaridagi importga nisbatan qariyb uch barobar ko‘pdir.

Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) Investitsiyalar departamenti iqtisodchisi Andrey Yarmakning fikricha, importning bunday yuqori surʼatlarda o‘sishi, qisman, O‘zbekistonda xalqaro savdoni liberallashtirishning davom etayotgani bilan izohlanadi.

Importning keskin oshishiga yana bir sabab 2021 yilda olma hosilining muvaffaqiyatsizlikka uchragani va 2021-2022 yillarning qish mavsumida ular narxining keskin oshishi bo‘ldi.

Uchinchi sabab – mamlakat aholisining jadal o‘sib borishi va O‘zbekiston iqtisodiyotining o‘sish surʼatlarining davom etayotgani hamda 2022 yilda mamlakatimizga kelgan xorijliklar sonining ortishidir.

To‘rtinchi sabab, albatta, oziq-ovqat chakana savdosining davom etayotgan dinamik rivojlanishi, qoida tariqasida, import qilingan mevalarni sotishda eng kuchli hisoblanadi, – deydi Andriy Yarmak.

Murojaat uchun:

+998997232111

+998712203313

O‘zbekiston Oziq-ovqat sanoati uyushmasi hamda Pokistonning «TCS KARDO» logistika kompaniyasi o‘rtasida hamkorlik memorandumi imzolandi.

Memorandum doirasida mamlakatimiz savdo yo‘llarini ushbu kompaniya yordamida Afg‘oniston orqali Hind okeaniga qadar ulashga kelishib olindi.

Endilikda mahalliy tadbirkorlarimiz mazkur memorandum yordamida Pokistondan oziq-ovqat mahsulotlari va ularni ishlab chiqarish uchun zarur hisoblangan xomashyolarni hamyonbop narxlarda qisqa muddat ichida qo‘lga kiritish imkoniyatiga ega bo‘lishadi.

Murojaat uchun:

+998997232111

+998712203313

Pokistonning «TCS KARDO» logistika kompaniyasi vakillari O‘zbekiston Oziq-ovqat sanoati uyushmasiga tashrif buyurishdi.

Xorijiy mehmonlarni uyushma raisi Bahodir Umirshayxov kutib oldi. Dastlab, tomonlar o‘z faoliyatlari haqida maʼlumot almashishdi.

Shundan so‘ng, ikki mamlakat vakillari o‘zaro hamkorlik munosabatlarini yo‘lga qo‘yish, eksport-import hamda logistika sohasida hamjihatlikda ishlashga doir masalalarni muhokama qilishdi.

Pokistonlik tadbirkorlar uyushma faoliyatiga katta qiziqish bildirishdi va keyin O‘zbekiston Oziq-ovqat sanoati uyushmasiga doir taqdimot namoyish etildi.

Muhokamalardan so‘ng, uyushma qoshida «TCS KARDO» kompaniyasining filiali ochildi.

Murojaat uchun:

+998997232111

+998712203313

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »