Bozorlarda giloslar sotuvga qoyilgan, ammo narxlar o’tgan yilga qaraganda 3 barabar yuqori

O’zbekiston supermarketlarida 2021-yilgi yangi hosilning birinchi shirin gilosi o’tgan yilgi vaqtdagiga nisbatan deyarli bir hafta oldin paydo bo’ldi.

Mazkur holat fevral oyidagi g’ayritabiiy iliq ob-havo tufayli mevalarning erta gullashi va buning natijasida, hosilning katta qismi yo’qolishi ortidan yuzaga keldi.

Hozirda giloslar Makro supermarketlar tarmog’i do’konlarida 100 gramm uchun 19,999 so’mdan, ya’ni 199,990 so’m / kg (kg uchun 19,05 dollar)dan sotilmoqda

Mamlakatimizda bu yilgi birinchi gilos o’tgan yilga qaraganda uch baravar (!) qimmatroq (6-7 dollar bilan taqqoslaganda 19,05 dollar).

Joriy yilgi mavsumda gilos narxining o’tgan yilga nisbatan yuqori bo’lishining asosiy sababi fevral oyi oxiri va mart o’rtalarida sodir bo’lgan sovuq havoning oqibatlaridandir.

Murojaat uchun:
+998997232111
+998712203313

2021-yilning yanvar-mart oylarida Oʻzbekistondan qiymati 133,8 mln. AQSH dollariga teng boʻlgan 218,0 ming tonna meva va sabzavotlar eksport qilingan.

Davlat statistika qoʻmitasi maʼlumotlariga ko’ra, 2021-yilning yanvar-mart oylarida Oʻzbekistondan qiymati 133,8 mln. AQSH dollariga teng boʻlgan 218,0 ming tonna meva va sabzavotlar eksport qilingan.

Uch oylik eksport qiymati va tarkibi quydagicha:

  • meva va rezavorlar – 28,8 ming tonna
  • quritilgan meva va rezavorlar – 18,8 ming tonna
  • sabzavotlar – 163,7 ming tonna
  • qalampir – 4,3 ming tonna
  • uzum – 2,0 ming tonna
  • mayiz – 11,6 ming tonna
  • yeryongʻoq – 7,3 ming tonna
  • tarvuz-qovun – 309,8 tonna

Murojaat uchun:
+998997232111
+998712203313

2021-yilning birinchi choragida Qozog’iston o’zbek sabzavotlari va mevalarining qiymat jihatidan eng yirik importyoriga aylandi.

Ma’lumotlarga ko’ra, 2021-yil yanvar-mart oylarida mazkur qo’shni mamlakatga O’zbekistondan 26,5 million dollarlik 86 ming tonna qishloq xo’jaligi mahsulotlari jo’natilgan.

O’zbekistonning ikkinchi yirik qishloq xo’jaligi mahsulotlari iste’molchisi Rossiya Federatsiyasi bo’lib, ushbu davlatga 39,2 ming tonna sabzavot va mevalar 25,9 million dollarga eksport qilinib, respublikamiz meva eksportida 19,3 ulushga ega bo’ldi.

2021-yilning birinchi choragida Xitoy birinchi marta o’zbek sabzavot va rezavorlarining yirik iste’molchilari safiga kirdi.

Joriy yilning uch oyi davomida 24 ming tonna meva va sabzavot mahsulotlari 20,2 mln dollar narxda Xitoy Xalq Respublikasiga jo’natildi.

Shuningdek, Pokistonga 8,2 ming tonna qishloq xo’jaligi mahsulotlari 12,9 million dollarga (9,6%) eksport qilingan.

2021-yil 1-choragida mamlakatimizda qancha miqdorda meva-sabzavot mahsulotlari eksport qilindi

O’zbekiston Respublikasi Davlat statistika qo’mitasining rasmiy ma’lumotlariga ko’ra, 2021-yilning dastlabki uch oyida mamlakatimizda 218 ming tonna meva-sabzavot mahsulotlari 133,8 million dollar miqdorida eksport qilindi (pasayish sur’ati 2020-yilning shu davrga nisbatan 1,9% tashkil etdi).

163,7 ming tonna sabzavot 82,2 million dollarga (qiymatning o’sish sur’ati 2020-yilning shu davriga nisbatan 1,1%), shuningdek 28,9 ming tonna meva va rezavorlar 24,6 million dollarga eksport qilindi(pasayish 2020-yilning shu davriga nisbatan 14,2% tashkil etdi).

2021-yil yanvar-mart oylaridagi eksportning umumiy hajmida meva va sabzavotlarning ulushi 5,6 foizini egalladi.

Murojaat uchun:
+998997232111
+998712203313

Gilos savdosi – katta bozor, shu sababdan Markaziy Osiyoda ham u o’z o’rnini topishi mumkin.

Gilos savdosi – katta bozor, shu sababdan Markaziy Osiyoda ham u o’z o’rnini topishi mumkin. Gilos oldi-sotdisining jahon savdosidagi hajmi 3,7 milliard dollarni tashkil etadi (2019).

Chili shirin gilosning eng yirik eksportchisi hisoblanadi( 35%). Chili Janubiy yarim sharda joylashgan va iste’molchilarining aksariyati Shimoliy yarim sharda yashaydi. Shu sababdan, chililiklar Shimoliy yarim sharga mavsumiy tarzda o’z giloslarini sotishlari mumkin.

Ikkinchi yirik eksportchi Gonkong bo’lib, mazkur davlat gilosning ham eksportchisi, ham yirik importchilari qatoriga kiradi. Gonkong gilos hajmining 2/3 qismini import hamda reeksport qiladi.

Bundan tashqari, gilosning jahon eksportchilari guruhiga AQSh (16%), Turkiya, Ispaniya kiradi. Eng yirik gilos importchilari esa Xitoy (38%), Gonkong (27%), Germaniya, Janubiy Koreya, Rossiya Federatsiyasi hisoblanadi.

Murojaat uchun:
+998997232111
+998712203313

O’zbekistondan Ukraina, Belorusiya va Rossiyaga ertapishar karam eksporti ko’payishi mumkin.

Kartoshka va piyoz kabi mahsulotlar bilan bir qatorda ertapishar karam – O’zbekistonda yerdan yig’iladigan yilning birinchi yangi ekinidir. 2021-yilda ertapishar karam mart oyining ikkinchi yarmida mamlakatimizning dehqon bozorlari-yu, supermarketlarida paydo bo’ldi va ko’plab savdo do’konlarida o’tgan yilgi karam hosilining o’rnini bosdi.

2021-yil 16-aprel holatiga ko’ra, ertapishar karam Toshkentdagi supermarketlarda 4500-5000 so’m / kg ($ 0.43-0.48) narxlarida sotilmoqda va narx ikki haftadan beri shu miqdorda saqlanib kelinmoqda.

Ertapishar karamni O’zbekistondan Ukraina, Belorusiya va Rossiyaga eksport qilish hozirda qizg’in sur’atlarda ketmoqda va uning narxi qadoqlash turi (sumka yoki qutilar)ga qarab 0,32 dollar / kg dan 0,43 dollargacha (0,7-1,7 kg kalibrda) baholanmoqda.

Murojaat uchun:
+998997232111
+998712203313

O’zbekiston Oziq-ovqat sanoati uyushmasi xodimlari «CERT ACADEMY GROUP» xalqaro o’quv kompaniyasi tomonidan tashkil etilgan ISO 22000: 2018 (HACCP) Xalqaro standarti bo’yicha 3 kunlik o’quv kurslarini tamomlashdi.

ISO 22000: 2018 – bu oziq-ovqat sifati va xavfsizligi uchun mas’ul bo’lganlarga maxsus ishlab chiqilgan keng qamrovli kurs hisoblanadi.

Kurs davomida ishtirokchilar xatarlarni boshqarish, aloqa menejmenti, xavfli omillar tasnifi va oziq-ovqat xatarlarini aniqlash, xavf tahlili va xavfni baholash, harakatgacha bo’lgan dasturlarni (PRP) ishlab chiqish usullari, xavfni boshqarish rejasi (OPRP va HACCP), EMSning ichki auditi (rejalashtirish, o’tkazish, hisobot berish, psixologik jihatlar) bo’yicha yangi bilimlar olishdi va ichki auditorlik huquqiga ega bo’lishdi.

Kurs so’nggida, GIZ ning O’zbekistondagi vakolatxonasi mas’ul xodimi Jahongir Jo’rayev tomonidan uyushma vakillariga Sertifikat topshirildi.

Murojaat uchun:
+998997232111
+998712203313

Nima sababdan dunyoda har yili gilosning eksporti 365,27 ming dollarga o’sib bormoqda?

Har yili gilosning dunyo miqyosidagi eksporti 363,27 ming dollarga o’sib, boshqa donakli mevalar — shaftoli, olxo’ri, o’rik va olcha savdosi ko’rsatkichlarini sezilarli darajada ortda qoldirmoqda.

Mutaxassis Andrey Yarmakning so’zlariga ko’ra, shirin gilosning jahon bozoridagi mashhurligini oshirishga hissa qo’shgan bir muhim kashfiyot Modified Atmosphere Packaging (MAP) texnologiyasi, ya’ni o’zgartirilgan atmosfera qadoqlari hisoblanadi.

Mazkur kashfiyot sizga gilosning yangiligi, sifatini 60 kungacha sezilarli darajada yo’qotmasdan saqlashga imkon beradi.

MAP texnologiyasi shirin gilosning dengiz logistikasi tizimi doirasidagi ko’plab imkoniyatlarini ochib berdi, bu esa uni yetkazib berish narxini havo logistikasiga nisbatan ancha pasaytirdi.

Bugungi kunda, MAP texnologiyasi tufayli gilosni dengiz konteynerlarida dunyoning deyarli hamma joylariga tashish mumkin.

Murojaat uchun:
+998997232111
+998712203313

O’zbekiston Oziq-ovqat sanoati uyushmasi ijtimoiy tarmoqlardagi sahifalarining qadrli foydalanuvchilari!

O’zbekiston Oziq-ovqat sanoati uyushmasi ijtimoiy tarmoqlardagi sahifalarining qadrli foydalanuvchilari!

Uyushma guruh va kanallaridagi qonun-qoidalar bilan tanishing:

Mumkin:

  • sohada yuz berayotgan o’zgarishlar, muammo va kamchiliklar bo’yicha fikrlaringizni qoldirishingiz;
  • muhokama jarayonlarida o’z tashabbusingiz bilan faol ishtirok etishingiz;
  • oziq-ovqat sanoati sohasiga doir yangiliklarni ulashib borishingiz.

Mumkin emas:

  • kishi sha’niga tegadigan so’zlar(vulgarizm) bilan izoh qoldirish, o’zgalarni tahqirlab yoki noo’rin ayblab guruh hamda kanallarda yozish;
  • feyk xabarlar va oziq-ovqat sanoati sohasiga taalluqli bo’lmagan ma’lumotlarni tarqatish;
  • reklama qilish.

Yuqorida belgilangan me’yorlarga amal qilmagan ijtimoiy tarmoq foydalanuvchilari Oziq-ovqat sanoati uyushmasining telegram va facebookdagi guruh hamda kanallaridan avtomatik tarzda bloklanadi!

Dunyodagi eng xaridorgir meva-sabzavot mahsulotlari qaysi?

Dehqonlar uchun dunyoda qaysi meva-sabzavot mahsulotlari eng ko’p xaridorligini bilish muhimdir, chunki aynan shu mahsulotlarga talab doimiy ravishda oshib boradi.

Bugungi kunda jahonda meva-sabzavot eksporti bo’yicha eng tez o’sib borayotgan mahsulot turi avokadodir. Uning qiymati har yili 780 million dollarga o’smoqda.

FAO ekspertining so’zlariga ko’ra, avakado bilan bir qatorda, dunyo bo’ylab ko’k mevalar eksporti hajmi ham har yili 14 foizga o’sib bormoqda, buni pulda hisoblaganda esa 500 million dollarni tashkil etadi.

Undan tashqari, banan, shirin gilos va malina meva-sabzavot eksporti bo’yicha dunyoning TOP-5 ro’yxatida turadigan mevalari safiga kiradi.

Murojaat uchun:
+998997232111
+998712203313

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »