2021-yil yanvar-mart oylari davomida Samarqand viloyati bojxona boshqarmasi tomonidan 97,2 million AQSH dollari miqdorida tovarlar eksporti amalga oshirildi.

Yangi O’zbekiston nashrida xabar berilishicha, 2021-yil yanvar-mart oylari davomida Samarqand viloyati bojxona boshqarmasi tomonidan 97,2 million AQSH dollari miqdorida tovarlar eksporti amalga oshirildi.

Jumladan:

• meva-sabzavot mahsulotlari – 29,5 million dollar yoki 30,31 foiz;

• toʻqimachilik mahsulotlari – 23,6 million dollar yoki 24,24 foiz;

• transport va uning ehtiyot qismlari – 8,9 million dollar yoki 9,11 foiz;

• oziq-ovqat mahsulotlari – 8,7 million dollar yoki 8,92 foiz;

• kalava ip – 7,8 million dollar yoki 8,0 foiz;

• hayvonlar uchun ozuqalar – 5,0 million dollar yoki 5,13 foiz;

• boshqa mahsulotlar – 13,9 million dollarlik yoki 14,10 foiz eksport hajmini tashkil etgan.

Oziq-ovqat sohasidagi eng so’nggi yangiliklardan kanalimiz orqali xabardor bo’ling! Kuzatishda davom eting!

Murojaat uchun:
+998997232111
+998712203313

Musulmonlar orasida Ramazon oyi nima uchun muqaddas sanaladi?

Ramazon taqvimi

Negaki, Islom dinida aynan shu oyda Alloh Muhammad (s.a.v)ga Qurʼonni vahiy qila boshlagan, deb talqin etiladi. Ushbu oy davomida musulmonlarga roʻza tutish buyurilgan. Ramazon hijriy yil hisobining 9-oyi hisoblanadi.

Kitoblarda yozilishicha, ramazon arablarda islomdan avvalgi 4 muqaddas oydan biri ya’ni dastlab, yoz fasliga toʻgʻri kelgan. Islom dini joriy etilishi arafasida Makkada ramazon oyida yaxshi amallar qilish (tahannus) anʼana boʻlgan. Ramazon oyining 27-kuniga oʻtar kechasi Muhammad (s.a.v)ga Qurʼon nozil qilingan.

Ramazon oyida roʻza tutish hijraning 2-yili joriy etilgan. Ramazon oyining ilk kunini ham yorug’ yuz bilan qarshi olish arafasida turibmiz, beadad shukurlar bo’lsin!

Ro’za turishni niyat qilganlarga Allohning o’zi kuch-quvvat, sabr-u qanoat ato etsin!

? Qalbingizni doimo Islom nuri yoritib tursin, azizlar!

Hurmat bilan O’zbekiston Oziq-ovqat sanoati uyushmasi jamoasi…

FAO ning O’zbekistondagi subregional vakolatxonasi tomonidan uchrashuv tashkil etildi.

BMTning Markaziy Osiyodagi Oziq-ovqat va qishloq xo’jaligi tashkiloti (FAO) ning O’zbekistondagi subregional vakolatxonasi tomonidan gibrid formatda (onlayn va oflayn) uchrashuv tashkil etildi.

Undan ko’zlangan asosiy maqsad mahalliy va xalqaro hamkorlarni 2021-2025-yillarda PSA doirasida rejalashtirilgan dasturlar va tadbirlar bilan tanishtirish hamda kelgusidagi hamkorlik dasturlarini muhokama etishga qaratilgan hisoblanadi.

Uchrashuv Toshkent vaqti bilan soat 14:00 da boshlandi. Hyatt Regency Tashkent mehmonxonasi tashkil etilgan mazkur uchrashuvda Oziq-ovqat sanoati uyushmasi raisi Bahodir Umirshayxov ham ishtirok etib, quyidagilarni ta’kidladi:

  • FAO bilan hamkorlik tashkilotimiz uchun muhim ahamiyatga ega. Fao tomonidan ilgari surilgan barcha maqsad hamda vazifalar uyushmaning maqsadlariga to’liq mos keladi, desak, adashmaymiz.

Murojaat uchun:
+998997232111
+998712203313

MDH davlatlarining shakar bozori konferensiyasi bo’lib o’tdi

MDH davlatlarining shakar bozori konferensiyasi bo’lib o’tdi

Yig’ilishda Markaziy Davlatlar Hamdo’stligi mamlakatlarida shakar bozorining faoliyati, jahon shakar bozoridagi talab va takliflarning muvozanati masalalari ko’rib chiqildi.

Shu bilan birgalikda, mazkur sohani rivojlantirishda mahalliy doiradagi chora-tadbirlarni qo’llab-quvvatlash, Yevropa Ittifoqi mamlakatlarida ichki iste’mol uchun yetarli bo’lgan shakar ishlab chiqarish darajasini ta’minlash ishlarini samarali tashkil etish bo’yicha ham muhokamalar o’tkazildi.

Konferensiya ikki formatda ya’ni Radisson Slavyanskaya mehmonxonasida oflayn tarzda hamda Zoom platformasida videokonferensaloqa rejimida tashkil etildi. Unda O’zbekiston Oziq-ovqat sanoati uyushmasi raisi Bahodir Umrishayxov ham ishtirok etdi.

B. Umirshayxovning ta’kidlashicha, shakarning strategik xususiyatini hisobga olgan holda, mamlakatning oziq-ovqat xavfsizligini ta’minlash uchun ushbu mahsulotni ishlab chiqarish davlat hududida joylashgan bo’lishi kerak.

Yosh Menejer dasturi doirasida hamkorlik memorandumi imzolandi.

Memorandumdan ko’zlangan asosiy maqsad oziq-ovqat mahsulotlarini yetishtirish va ishlab chiqarishga qiziquvchi yoshlarni sohadagi faoliyatga jalb qilgan holda, ularga nazariy ilm hamda amaliy tajribani ulashish hisoblanadi.

Memorandum doirasida Yosh Menejer dasturi ishtirokchilaridan eng tashabbuskor 5 nafari tanlab olinib, Oziq-ovqat sanoati uyushmasi ko’magi ostida xalqaro o’quv dasturlarida bepul o’qitiladi.

Oziq-ovqat sanoati bo’yicha ta’lim dasturini samarali yakunlaganlarga xalqaro miqyosda ishlash imkoniyatini taqdim etuvchi maxsus Sertifikat beriladi. Sertifikatni qo’lga kiritganlarga mahalliy doirada 5-10 mln, chet davlatlarda 1500-2000$ maoshlik ish taklif qilinadi.

Murojaat uchun:
+998997232111
+998712203313
@UFIAgr @ufia_uz

O’zbekiston oziq-ovqat sanoati uyushmasi raisi Toshkent kimyo-texnologiya institutida o’tkazilgan anjumanda ishtirok etdi

«Oziq-ovqat va ozuqa mahsulotlari ishlab chiqarishda noan’anaviy yo’nalishlar» Respublika ilmiy-texnikaviy anjumanda O’zbekiston oziq-ovqat sanoati uyushmasi raisi sanoatni rivojlantirish hamda aholini sifatli oziq-ovqat mahsulotlari bilan to’laqonli ta’minlashning dolzarb masalalari to’grisida nutq so’zladi. Prezentatsiya davomida oziq-ovqat sanoatidagi o’zgarishlar, muammolar va ularning yechimi haqida batafsil to’xtalib o’tildi.

Shuningdek, anjuman mobaynida Toshkent kimyo-texnologiya instituti rektor va prorektorlari, oziq-ovqat sanoati vakillar va boshqalar mavzu yuzasidan o’z fikrlarini bildirishdi.

Bundan tashqari, Qishloq xo’jaligi va oziq-ovqat mahsulotlarini qayta ishlashda innovatsion texnologiyalarning o’rni va mahsulotlar sifatini ta’minlashda zamonaviy yondashuvlar kabi masalalar ham anjuman davomida ko’rib chiqildi.

O’zbekiston oziq-ovqat sanoati uyushmasi O’zbekiston Respublikasi Innovatsion Rivojlanish Vazirligi tomonidan tashkillashtirilgan forumda!

O’zbekiston oziq-ovqat sanoati uyushmasi O’zbekiston Respublikasi Innovatsion Rivojlanish Vazirligi tomonidan tashkillashtirilgan forumda!

Forumda ilmiy tadqiqot institutlari tomonidan ishlab chiqilgan ilmiy lohiyahalar tasdiqlandi. Ushbu loyihalarga investitsiya ajratilishi ta’kidlab o’tildi. Saralab olingan 60 ga yaqin loyihalar ko’rib chiqilib, ulardan 31 tasi bilan forum davomida shartnoma imzolandi.

Jumladan, tibbiyot, oziq-ovqat, qishloq xo’jaligi sohalarida – dorivor o’simliklarni yetishtirish, muhandislik qurilish institutini tashkil qilish, va boshqa loyihalar ko’rib chiqildi.

O’zbekiston oziq-ovqat sanoati uyushmasining yuridik xizmatlari

Uyushma o’z a’zolari uchun quyidagi yuridik xizmatlarni amalga oshiradi:

– Uyushma aʼzolariga xorijiy hamkorlar bilan tuziladigan shartnomalarning amaldagi qonunchilikka rioya qilinganligi va aʼzoning manfaatlariga zid bo‘lmasligi haqida maslahat berish;

– Uyushma aʼzosining davlat, jamoat va nodavlat tashkilotlari bilan munosabatlarida yuzaga kelgan muammoli holatlar bo‘yicha huquqiy maslahat berish, muammoni hal qilishda amaliy yordam ko‘rsatish;

– Mahsulotlarni eksport qilishda transportda tashish xarajatlarini davlat byudjeti hisobidan qisman kompensatsiya qilish uchun subsidiya berilishi bo‘yicha huquqiy maslahat berish, davlat byudjetidan ajratiladigan subsidiyani olishda amaliy yordam ko‘rsatish va boshqa kichik turdagi yuridik xizmatlar.

Uyushmaga a’zo bo’lish uchun biz bilan bog’laning:
+998997232111
@ufia_uz
@ufia_bot

Prezident farmoni loyihasi keng jamoatchilik muhokamasiga taqdim etish maqsadida anjuman bo’lib o’tdi.

«Yoshlarni qo’llab-quvvatlash va aholi salomatligini mustahkamlash» yilida amalga oshirishga oid davlat dasturi to’g’risidagi Prezident farmoni loyihasi keng jamoatchilik muhokamasiga taqdim etish maqsadida anjuman bo’lib o’tdi.

Joriy yilning 26-yanvar kuni «Yuksalish» umumilliy harakati tomonidan biznes hamjamiyati vakillari ishtirokida jamoatchilik muhokamasiga bag’ishlangan seminar tashkil etildi. Seminarda O’zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo’yicha vakili, O’zbekiston eksportchilari uyushmasi a’zolari, O’zbekiston oziq-ovqat sanoati uyushmasi xodimlari, Tadbirkorlar, Davlat dasturi doirasida islohotlarni amalga oshirishning ustuvor yo’nalishlari yuzasidan o’z taklif va mulohazalarini bildirishdi, hamda Oliy Majlis palatalari, barcha vazirlik va idoralar, xorijiy tashkilotlar ekspertlari, jamoatchilik vakilllarining yuzdan ortiq taklif va fikr-mulohazalari muhokama qilindi.

O’zbekiston Respublikasi Vazirlar Mahkamasi tomonidan tashkillashtirilgan seminar tafsiloti.

O’zbekiston oziq-ovqat sanoati uyushmasi raisi hamda Uzdavkarantin xodimi Xorazm viloyatida O’zbekiston Respublikasi Vazirlar Mahkamasi tomonidan tashkillashtirilgan seminarda qatnashdi.

Tuman hokimlari, tadbirkorlar, va mahsulotlar yetishtiruvchi mutaxassislar ishtirok etgan seminarda hamma uchun oziq-ovqat xavfsizligi nuqtai-nazaridan va aholining yuqori sifatli oziq-ovqat mahsulotlaridan foydalanish imkoniyatlari, shuningdek, ijtimoiy-iqtisodiy muammolarni hal qilishda muhim ahamiyatga ega bo’lgan eksport-import masalalari hamda Oziq-ovqat va qishloq xo’jaligi tashkiloti (FAO) ga aloqador barcha muammolarni yechimlari ko’rib chiqildi.


Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »