Davra suhbati

Qandolat mahsulotlari ishlab chiqaruvchilari diqqatiga!

O‘zbekiston Respublikasi Prezidentining 2021 yil 2 iyundagi «Texnik jihatdan tartibga solish sohasida davlat boshqaruvini tubdan takomillashtirish to‘g‘risida”gi PF-6240-son Farmoniga binoan Texnik jihatdan tartibga solish agentligi faoliyati yo‘lga qo‘yildi.

12 iyun kuni Oziq-ovqat sanoati uyushmasida mazkur tashkilot direktori Dilshod Sattorov bilan davra suhbati bo‘lib o‘tdi.

Uning taʼkidlashicha, qandolatchilik mahsulotlariga yangi davlat standartlari joriy etilgan.

2021 yil 1 sentyabrdan yangi standart talablari bo‘yicha isteʼmol bozorlarini nazorat qilish boshlanadi.

Ishlab chiqarish jarayonini yangi standartlarga moslashtirishni tadbirkorlarga tushuntirish maqsadida 17 iyun kuni yig‘ilish bo‘lib o‘tadi.

Unda ishtirok etishga barchani taklif etamiz!
Manzil: Metrologiya ilmiy-tadqiqot instituti

Ushbu turdagi tadbirlar iyun oyi davomida go‘sht va sut mahsulotlari, quruq meva ishlab chiqaruvchi tadbirkorlar uchun ham o‘tkaziladi. Uchrashuv xabarlari rasmiy kanallarimizda eʼlon qilib boriladi.

O’z yetishtirgan oziq-ovqat mahsulotlaringizni chet elga eksport qilishni istaysizmi?

Yoki bo’lmasam, ishlab chiqarayotgan mahsulotlaringizga Halol, GlobalG.A.P. kabi xalqaro sifat sertifikatlarini olishni-chi, xohlaysizmi?

Bu niyatlaringizni muvaffaqiyatli tarzda amalga oshirishda O’zbekiston Oziq-ovqat sanoati uyushmasi sizga eng yaqin ko’makchidir!

Taklif etiladigan xizmatlar:

  • standartlashtirish va sertifikatlash;
  • buxgalteriya, audit, soliq;
  • eksport-import;
  • marketing;
  • brending;
  • bojxona xizmatlari;
  • xorijiy ko’rgazmalarda ishtirok etishni ta’minlash;
  • biznesni rivojlantirish va mutaxassislar malakasini oshirish.

O’zOSU: halol mehnat, mo’l rizq, xalq farovonligi!

Murojaat uchun:
+998997232111
+998712203313

26-may. «Hyatt Regency Tashkent» mehmonxonasi

Soat 10:10 da O’zbekiston Oziq-ovqat sanoati uyushmasining rasmiy ochilish marosimi hamda uning doirasida tashkil etilayotgan press-konferensiya dasturiga start berildi.

Ayni damda O’zbekiston Respublikasi Oliy Majlis Senatining Agrar, suv xojaligi masalalari va ekologiya qomitasi raisi Tadjiyev Baxodir Sadullayevich oziq-ovqat sanoatining mamlakat aholisi salomatligi uchun ahamiyati haqida o’z fikrlarini bildirib o’tmoqdalar!

Oziq-ovqat sanoati uyushmasi rasmiy ochilish marosimi!

Qadrli kuzatuvchilar,
26-may sanasida Hyatt Regency Tashkent mehmonxonasida O’zbekiston Oziq-ovqat sanoati uyushmasining rasmiy ochilish marosimi bo’lib o’tadi.

Tadbirda uyushmaning tashkil etilganidan buyon(29.10.2020) yetti oylik faoliyati davomida amalga oshirgan ishlari, kelgusida rejalashtirgan maqsad va vazifalari haqida so’z boradi.

Shuningdek, bugungi kunda oziq-ovqat mahsulotlarini yetishtirish, ishlab chiqarish, qayta ishlash hamda eksport qilishda davlat tomonidan yaratilayotgan imkoniyatlar, sohada yuzaga kelayotgan masalalar va ularga yechim bo’lgan tendensiyalar mavzulariga alohida to’xtalib o’tiladi.

Marosimda turli vazirlik, qo’mita, agentlik va xalqaro tashkilotlar vakillarining ishtiroki rejalashtirilgan.

? Agarda sizda ham ushbu tadbirda qatnashish istagi bo’lsa, quyidagi raqamlarga murojaat qiling:

+998997232111
+998712203313

Ramazon Hayiti muborak bo’lsin!

Assalomu alaykum aziz yurtdoshlar! Barchangizni muborak Ramazon hayiti bilan samimiy qutlaymiz!

Fazilatli kechgan ulug‘ oyni g‘animat bilib tutgan ro‘zangiz, o‘qigan Qur‘oningiz Qiyomat kunida sizga shafoatchi bo‘lsin.

Amalga oshirgan ibodatlaringiz maqbul bo’lsin, Yaratgan taqvoingiz va ilmingizni ziyoda qilsin!

Oilangizga tinchlik-totuvlik, ishlaringizga baraka, o’zingizga sihat-salomatlik tilaymiz!

Kelgusi Ramazonlarga ham har birimizni omonlikda yetkazsin!

Hurmat bilan O’zbekiston Oziq-ovqat sanoati uyushmasi jamoasi…

Dukkakli o’simliklar chiqindisidan daromad topish imkoniyati!

Endilikda yetishtirgan dukkakli mahsulotingiz chiqindisidan ham daromad olish imkoniyati mavjud!

Qadrli tadbirkorlar! Agarda siz o’z yer va tomorqangizda dukkakli o’simliklar, soya, makkajo’xori va paxta yetishtiradigan bo’lsangiz, ularning hosilidan chiqadigan chiqindilarni ham sotishingiz mumkin.

Ayni paytda O’zbekiston Oziq-ovqat sanoati uyushmasiga chorva uchun ozuqa ishlab chiqarishga yuqorida ta’kidlanganidek mahsulotlarni qayta ishlash bo’yicha hamkorlik qilishga buyurtmalar kelib tushmoqda.

Mahsulot chiqindilaridan ham daromad topish imkoniyatini qo’ldan boy bermang!

Hamkorlik qilmoqchi bo’lsangiz, quyidagi manzilga murojaat qiling:
+998903558677

O’zbekistonning qaysi hududi qancha pomidor eksportini amalga oshiradi?

Davlat statistika qo‘mitasida keltirilishicha, joriy yilning 1-choragida xorijiy davlatlarga pomidor eksport qilgan hududlar va eksport miqdori quyidagicha:

  • Toshkent viloyati – 5,2 ming tonna;
  • Buxoro viloyati – 3,7 ming tonna;
  • Sirdaryo viloyati – 3,1 ming tonna;
  • Xorazm viloyati – 2,3 ming tonna;
  • Surxondaryo viloyati – 1,6 ming tonna;
  • Andijon viloyati – 838,6 tonna;
  • Farg‘ona viloyati – 830,1 tonna;
  • Qashqadaryo viloyati – 723,4 tonna;
  • Navoiy viloyati – 547,3 tonna;
  • Namangan viloyati – 523,5 tonna;
  • Toshkent shahri – 510,5 tonna;
  • Jizzax viloyati – 362,2 tonna;
  • Samarqand viloyati – 268,2 tonna;
  • Qoraqalpog‘iston R. – 157,1 tonna.

Murojaat uchun:
+998997232111
+998712203313

2021-yil birinchi choragida mamlakatimizda sabzavot yetishtirish 5% ga oshdi!

sabzavot

Joriy yilning birinchi choragida O’zbekistonda 65 721 tonna sabzavot yetishtirildi, bu o’tgan yilning shu davriga nisbatan 5% ga ko’p hisoblanadi.

Davlat statistika qo’mitasi ma’lumotlariga ko’ra, yetishtirilgan sabzavotlarning asosiy qismi dehqon xo’jaliklari (67,3 %) va qishloq xo’jaligi tashkilotlariga (20,8 %) to’g’ri keladi.

Shaxsiy fermer xo’jaliklarining ulushi atigi 11,9 %ni egallaydi.

Birinchi chorakda navbati bilan 19 346 tonna va 13 808 tonna sabzavot yetishtirishga muvaffaq bo’lgan Surxondaryo va Toshkent viloyatlari ko’rsatkichlarda mintaqalar nuqtai nazaridan sezilarli darajada yetakchilik ko’rsatmoqda.

Dastlabki ikki mintaqadan ancha orqada qolgan bo’lsa-da, beshta yetakchi hududlar qatoriga Buxoro (4994 tonna), Andijon (3809) va Qashqadaryo (3202) viloyatlari kirdi.

Qoraqalpog’iston Respublikasi (617) va Jizzax viloyatida (984) shu paytga qadar 1000 tonnadan kam sabzavot yetishtirildi.

2021-yil 1-maydan 31-dekabrgacha ayrim turdagi oziq-ovqat mahsulotlari QQS dan ozod qilindi

2021-yil 1-maydan 31-dekabrga qadar bo‘lgan davrda:

• o‘simlik yog‘i, kungaboqar va zig‘ir urug‘i, shuningdek, soya danagi importi;

• o‘simlik yog‘ini ishlab chiqarish va (yoki) realizatsiya qilish bo‘yicha mablag‘lar aylanmasi QQSdan ozod qilinmoqda.

Bundan tashqari:

• kungaboqar va paxta urug‘iga — bojxona qiymatining 30 foizi, biroq 1 kg uchun 0,2 dollardan kam bo‘lmagan miqdorda;

• kungaboqar yog‘iga — 20 foiz, biroq 1 kg uchun 0,2 dollardan kam bo‘lmagan miqdorda;

• paxta yog‘iga — 50 foiz, biroq 1 kg uchun 0,5 dollardan kam bo‘lmagan miqdorda eksport boji joriy etilmoqda.

Mazkur xabar Oliy Majlis Qonunchilik Palatasida “Ayrim turdagi oziq-ovqat mahsulotlariga bo‘lgan ehtiyojni ta’minlashning qo‘shimcha choralari to‘g‘risida”gi Qonun loyihasida ko‘rib chiqilib, Oliy Majlis Senati tomonidan ma’qullandi.

Murojaat uchun:
+998997232111
+998712203313

O’zbekistondan Malayziyaga quritilgan mevalar, anjir murabbosi va asal eksport qilindi

O’zbekistonning Kuala-Lumpur shahridagi elchixonasi ko’magida Malayziyaga quritilgan mevalar (bodom, yong’oq, mayiz va o’rik chuqurlari), anjir murabbosi va asal yetkazib berildi.

Tovarlarni yetkazib beruvchi o’zbek eksportchisi hisoblangan Golden Prime Food LLC, importyor esa Malayziyaning Deli Fruits Trading savdo shirkatidir.

Koronavirus pandemiyasi sababli O’zbekiston va Malayziya o’rtasida to’g’ridan-to’g’ri reyslar yo’qligi tufayli mahsulotlar Kuala-Lumpur shahriga yangi transport koridori – Turkiya orqali olib borildi.

Deli Fruits Trading menejeri Nazatul Shima so’zlariga ko’ra, o’zbek mahsulotlarining qabul qilingan partiyasini sotish Kuala-Lumpur shahri va Malayziyaning Johor shtati savdo tarmoqlarida amalga oshiriladi. Uning aytishiga qaraganda, o’zbek meva-sabzavotlarining navbatdagi partiyasini yuborish may oyiga mo’ljallangan.

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »