O‘zbekiston Xitoyga limon eksport qilish imkoniyatiga ega bo‘ldi!

O‘simliklar karantini va himoyasi agentligi axborot xizmatining xabar berishicha, O‘zbekistonda yetishtirilgan limonni Xitoyga eksport qilish uchun ruxsatnoma olindi.

Qayd etilishicha, ushbu sitrus meva jahonning 15 ga yaqin mamlakatiga, jumladan, Xitoy Xalq Respublikasiga ham eksport qilinadi.

O‘zbekistonda limonning, asosan, “Mir” va “Mayer” navlari yetishtiriladi. Ushbu turdagi sitrus meva hosili oktyabr-noyabr oylarida yig‘ib olishga tayyor bo‘ladi va uni saqlashda zarur shart-sharoitlar yaratilsa, may oyiga qadar ham daromad olish mumkin.

Bugungi kunga qadar respublikamiz hududidagi 10 ga yaqin qadoqlash korxonasi, 100 dan ortiq issiqxona Xitoy fitosanitariya xizmati talablariga javob bera olishi tasdiqlangan.

Malumot uchun, 2022 yil boshidan buyon O‘zbekistondan 3 ming tonnaga yaqin limon eksport qilingan.

7 mln. AQSH dollariga teng bo‘lgan 18,1 ming tonna olma eksport qildi.

2022 yilning yanvar-avgust oylarida O‘zbekiston 7 ta davlatga qiymati 7 mln. AQSH dollariga teng bo‘lgan 18,1 ming tonna olma eksport qildi.

Olma eksporti 2021 yilning mos davri bilan solishtirilganda 9,1 ming tonnaga oshdi.

2022 yilning 8 oyida O‘zbekiston eng ko‘p olma eksport qilgan davlatlar quyidagilar:

– Qozog‘iston – 12,6 ming tonna

– Rossiya – 3,9 ming tonna

– Qirg‘iz R. – 1,3 ming tonna

– Turkmaniston – 163 tonna

Murojaat uchun:

+998997232111

+998712203313

Qadrli tadbirkorlar hamda mirishkor dehqonlar!

2022 yil 5 oktyabr kuni qishloq xo‘jaligi sohasida ilk bor Surxondaryo viloyatining Sherobod tumanida respublika miqyosidagi Birinchi anor festivali o‘tkaziladi.

Tadbirda mahalliy va xorijiy anor yetishtiruvchilar hamda anor sharbati ishlab chiqaruvchilar, 8 davlatning muxtor elchilari, 20 dan ziyod OAV vakillarining ishtirok etishi kutilmoqda.

Festival doirasida O‘zbekistonda yetishtirilgan anordan ”Eng mazali anor sharbati – 2022”, ”Eng mazali anor navi”, ”Eng katta anor – 2022”, ”Eng chiroyli anor tozalash” kabi tanlovlar o‘tkazib, g‘olib bo‘lgan fermer va dehqon xo‘jaliklari xamda qishloq xo‘jaligi korxonalarini maxsus sovg‘alar bilan taqdirlash rejalashtirilgan.

Agarda siz ham festival va uning doirasidagi tanlovlarda qatnashishni istasangiz, quyidagi raqamlarga murojaat qilib, batafsil maʼlumotlarga ega bo‘lishingiz mumkin:

+998997232111

+998712203313

Sammitda Prezident Shavkat Mirziyoyev global hamjamiyat uchun muhim tashabbuslarni ilgari surdi

Kembrij Markaziy Osiyo forumi raisi Siddxart Saksenning so‘zlariga ko‘ra, SHHT Samarqand sammiti barchani birlashtirish orqali keyingi rivojlanish nuqtai nazaridan muhim rol o‘ynadi.

Sammitda Prezident Shavkat Mirziyoyev global hamjamiyat uchun muhim tashabbuslarni ilgari surdi.

Markaziy Osiyoning ijobiy tajribasi bugungi kunda Global Samarqand tashabbusiga aylanib bormoqda. Tadbirda Xitoy va Hindistondan Turkiya va Turkmanistongacha bo‘lgan turli xil siyosiy va ijtimoiy tizimlar vakillari umumiy maqsad uchun birlashdilar.

Bu inklyuzivlik va multilateralizmning haqiqiy namoyonidir, madaniyatlararo o‘zaro taʼsir ruhidir, desak, adashmaymiz.

Sammit qanday jonli bo‘lganini ko‘rdik. U amaliy tarkibga to‘la bo‘ldi, haqiqiy munozara maydoniga aylandi, turli xil qarashlarga qaramay, umumiy kelajakka qanday qadam qo‘yishni birgalikda muhokama qilish mumkinligini namoyish etdi.

Murojaat uchun:

+998997232111

+998712203313

19-23 sentyabr kunlari Toshkentda bo‘lib o‘tishi rejalashtirilgan O‘zbekiston arbitraj haftaligiga bugun start berildi.

Tadbir O‘zbekiston Respublikasi Adliya vazirligi, Savdo-sanoat palatasi va tashkilot qoshidagi Toshkent xalqaro arbitraj markazi, Toshkent davlat yuridik universiteti hamda Toshkentdagi Xalqaro Vestminster universiteti ko‘magida tashkil etildi.

Unda O‘zbekiston Oziq-ovqat sanoati uyushmasi jamoasi ham ishtirok etmoqda.

UzAW – bu butun hafta davomida butun dunyodan yetakchi ekspertlar, yuridik soha vakillarini birlashtiruvchi bar qator tadbirlar jamlanmasidir.

Arbitraj – sud muhokamasidagi nizorlarni hal qilishning muqobil mexanizmi bo‘lib, bunda tomonlar nizolarini hal qilish uchun tajriba va ko‘nikmaga ega bo‘lgan sudyani tanlashlari mumkin bo‘lgan jarayon sanaladi.

UzAW 2022 ning maqsadi esa ishtirokchilarni nizolarni muqobil hal etishning so‘nggi tendensiyalari, shuningdek, O‘zbekistonda ishbilarmonlik muhitini yaxshilash bo‘yicha amalga oshirilayotgan islohotlar haqida xabardorligini oshirishdan iborat.

So‘nggi 7 oyda 6,1 ming tonna baliq va dengiz mahsulotlari import qilindi.

2022 yilning yanvar-iyul oylarida O‘zbekistonga 48 ta xorijiy davlatdan qiymati 11,6 mln. AQSH dollariga teng bo‘lgan 6,1 ming tonna baliq va dengiz mahsulotlari import qilindi.

Baliq va dengiz mahsulotlari importi o‘tgan yilning mos davri bilan solishtirilganda 1,5 ming tonnaga oshdi.

2022 yilning 7 oyida O‘zbekiston eng ko‘p baliq va dengiz mahsulotlarini import qilgan davlatlar:

– Rossiya – 2,9 ming tonna

– Vyetnam – 905 tonna

– Latviya – 822 tonna

– Qozog‘iston – 435 tonna

– Norvegiya – 327 tonna

– Litva – 322 tonna

– Xitoy – 41,4 tonna

– Turkiya – 35 tonna

Murojaat uchun:

+998997232111

+998712203313

2D bog‘ning yana bir afzalligi

2D bog‘ning yana bir afzalligi — turli muammolarni aniqlash uchun sensorlardan foydalanish xususiyati: daraxt o‘sishining kechikishi yoki ilgarilab ketishi, barglar rangga kirishi jarayonidagi oqsashlar, gullash intensivligini aniqlash va hokazo.

Shunga o‘xshash vizual tahlilni inson ham amalga oshirishi mumkin, ammo hozirgi kunda buni qishloq xo‘jaligi droni yoki sensorli traktor yordamida tezlik bilan amalga oshirish imkoni bor. Albatta, har bir daraxtning holatini aniqlash uchun bog‘ GPS yordamida barpo etilgan bo‘lishi kerak.

Bunday tahlil asosida daraxtlarni zararkunanda va kasalliklardan himoyalashda tanlov yo‘li bilan ishlov berish mumkin va bu narxi qimmat bo‘lmish o‘simliklarni himoyalash vositalarini (O‘HVni) 70-80% gacha tejash imkonini beradi.

Mazkur usul bog‘bon uchun katta qo‘shimcha mablag‘ bo‘lib, zaharli O‘HVdan ortiqcha foydalanishdan atrof-muhitni himoyalaydi!

Murojaat uchun:

+998997232111

+998712203313

Kelajak texnologiyasi: 2D bog‘dorchilikning qanday afzalliklari bor?

Jahon bog‘dorchiligida uch (3D) o‘lchamli meva yetishtirish o‘rniga ikki o‘lchamli (2D)ga o‘tish kelgusidagi standartga aylanishi mumkin.

Boshqacha aytganda, agar hozir daraxt yoki butalarning hajmi (hatto intensiv bog‘larda ham) balandligi, eni va uzunligi bo‘yicha o‘lchansa, kelajakda faqat eni va balandlikdagi o‘lchamli texnologiyalar afzalroq bo‘ladi. Bunday bog‘da qatorlar butunlay “tekis” ko‘rinishga o‘tadi.

Jahonning istalgan mamlakatida bog‘dorchilikning asosiy muammosi — mavsumiy ishchilarni yig‘im-terim, shuningdek, boshqa yumushlarga ko‘p yollash zaruratidir. 2D bog‘lari kelajakda ushbu ehtiyojga umuman hojat qoldirmaydi!

Mavsumiy ishchilarni yollash zarurati bo‘lmagan bog‘dorchilik qanday afzallik va imkoniyatlarni taklif eta oladi?

Bu usul meva narxini pasaytirish imkoniyatini beradi va odatda, har qanday biznesdagi barcha jarayonlarga salbiy taʼsir ko‘rsatadigan «inson omili»ni yo‘qotadi.

Tayyor ovqatlarni yetkazib berish xizmatlarining narxlari

2022 yilning avgust oyida tayyor ovqatlarni yetkazib berish xizmatlarining narxlari iyul oyiga nisbatan yaʼni bir oyda o‘rtacha 0,3 % ga oshdi.

Tayyor ovqatlarni yetkazib berish xizmatlarining narxlari yil boshidan buyon o‘rtacha 1,7 % ga qimmatlashgan.

Tayyor ovqatlarni yetkazib berish xizmatlarining narxlari o‘tgan yilning mos oyiga nisbatan yaʼni yillik nisbatda o‘rtacha 3,9 % ga oshgani kuzatilgan.

Murojaat uchun:

+998997232111

+998712203313

116,4 mln dollarga teng bo‘lgan 26,9 ming tonna qoramol go‘shti import qilingan.

2022 yilning yanvar-iyul oylarida O‘zbekistonga 9 ta davlatdan qiymati 116,4 mln. AQSH dollariga teng bo‘lgan 26,9 ming tonna qoramol go‘shti import qilingan.

Qoramol go‘shti importi o‘tgan yilning mos davri bilan solishtirilganda 10,5 ming tonnaga oshgan.

2022 yilning 7 oyida O‘zbekiston eng ko‘p qoramol go‘shtini import qilgan davlatlar quyidagilar:

Belarus – 14,4 ming tonna

Qozog‘iston – 9,1 ming tonna

Braziliya – 1,3 ming tonna

Hindiston – 784 tonna

Rossiya – 604 tonna

Murojaat uchun:

+998997232111

+998712203313

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »