«Association for Food Businesses» (ASORPS), «Business Russia», «Azia Invest», «JSC Russian Railway Logistics», «DALREFTRANS» vakillari bilan uchrashuv!

O’zbekiston oziq-ovqat sanoati uyushmasi raisi Rossiya Federatsiyasidan tashrif buyurgan «ASORPS» bilan birgalikda «Business Russia» (Delovaya Rossiya) biznes vakillari bilan hamkorlik qilish masalalarida suhbat olib bordi.

Uchrashuv davomida O’zbekiston-Rossiya eksport va importdagi muammolar, oziq-ovqat, qishloq xo’jaligi, logistika sohalarini rivojlantirish hamda o’zaro aloqalar o’rnatish xususida so’z yuritildi. «ASORPS» tashkiloti bilan memorandum imzolash shartlari ham ko’rib chiqildi.

Oziq-ovqat sanoatiga doir barcha yangiliklardan xabardor bo’lish uchun uyushma guruhiga a’zo bo’lish tavsiya etiladi:
@UFIAgr

Murojaat uchun:
+998997232111
@ufia_uz

O’zbekiston oziq-ovqat sanoati uyushmasining yuridik xizmatlari

Uyushma o’z a’zolari uchun quyidagi yuridik xizmatlarni amalga oshiradi:

– Uyushma aʼzolariga xorijiy hamkorlar bilan tuziladigan shartnomalarning amaldagi qonunchilikka rioya qilinganligi va aʼzoning manfaatlariga zid bo‘lmasligi haqida maslahat berish;

– Uyushma aʼzosining davlat, jamoat va nodavlat tashkilotlari bilan munosabatlarida yuzaga kelgan muammoli holatlar bo‘yicha huquqiy maslahat berish, muammoni hal qilishda amaliy yordam ko‘rsatish;

– Mahsulotlarni eksport qilishda transportda tashish xarajatlarini davlat byudjeti hisobidan qisman kompensatsiya qilish uchun subsidiya berilishi bo‘yicha huquqiy maslahat berish, davlat byudjetidan ajratiladigan subsidiyani olishda amaliy yordam ko‘rsatish va boshqa kichik turdagi yuridik xizmatlar.

Uyushmaga a’zo bo’lish uchun biz bilan bog’laning:
+998997232111
@ufia_uz
@ufia_bot

«IndusFood» 2021 Xalqaro Savdo Ko’rgazmasi

IndusFood

«IndusFood» Xalqaro oziq-ovqat savdo ko’rgazmasi bo’lib, Hindistondagi oziq-ovqat mahsulotlari eksport hamda importini mustahkamlash uchun tashkil etilgan global platformadir.

Sana: 20-21 mart, 2021-yil
Joy: Hindiston


Ko’rgazmada taqdim qilinadigan mahsulotlar:
▫️Qandolatchilik mahsulotlari
▫️Sut va sut mahsulotlari
▫️Meva va sabzavotlar
▫️Quruq mevalar
▫️Hind taomlar
▫️Go’sht, parranda va dengiz mahsulotlari
▫️Ichimliklar
▫️Don, shakar, ziravorlar
▫️Organik oziq-ovqatlar
▫️Choy, kofe va boshqalar

Ko’rgazmada kuzatuvchi sifatida qatnashuvchilari uchun imtiyozlar:
◾️Ko’rgazmada bepul qatnashish;
◾️3 kecha 5 yulduzli mehmonxonada bepul turish;
◾️Xalqaro biznes vakillari bilan uchrashuv;
◾️Viza olishda yordam;
◾️Bepul tarjimonlar xizmati.

300 dan ortiq oziq-ovqat sanoati vakillari va ishlab chiqaruvchilar bilan tanishish hamda yangi biznes aloqalarni rivojantirish uchun hoziroq ro’yhatdan o’ting!

Murojaat uchun:
+998997232111
@ufia_uz



Prezident farmoni loyihasi keng jamoatchilik muhokamasiga taqdim etish maqsadida anjuman bo’lib o’tdi.

«Yoshlarni qo’llab-quvvatlash va aholi salomatligini mustahkamlash» yilida amalga oshirishga oid davlat dasturi to’g’risidagi Prezident farmoni loyihasi keng jamoatchilik muhokamasiga taqdim etish maqsadida anjuman bo’lib o’tdi.

Joriy yilning 26-yanvar kuni «Yuksalish» umumilliy harakati tomonidan biznes hamjamiyati vakillari ishtirokida jamoatchilik muhokamasiga bag’ishlangan seminar tashkil etildi. Seminarda O’zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo’yicha vakili, O’zbekiston eksportchilari uyushmasi a’zolari, O’zbekiston oziq-ovqat sanoati uyushmasi xodimlari, Tadbirkorlar, Davlat dasturi doirasida islohotlarni amalga oshirishning ustuvor yo’nalishlari yuzasidan o’z taklif va mulohazalarini bildirishdi, hamda Oliy Majlis palatalari, barcha vazirlik va idoralar, xorijiy tashkilotlar ekspertlari, jamoatchilik vakilllarining yuzdan ortiq taklif va fikr-mulohazalari muhokama qilindi.

O’zbekiston Respublikasi Vazirlar Mahkamasi tomonidan tashkillashtirilgan seminar tafsiloti.

O’zbekiston oziq-ovqat sanoati uyushmasi raisi hamda Uzdavkarantin xodimi Xorazm viloyatida O’zbekiston Respublikasi Vazirlar Mahkamasi tomonidan tashkillashtirilgan seminarda qatnashdi.

Tuman hokimlari, tadbirkorlar, va mahsulotlar yetishtiruvchi mutaxassislar ishtirok etgan seminarda hamma uchun oziq-ovqat xavfsizligi nuqtai-nazaridan va aholining yuqori sifatli oziq-ovqat mahsulotlaridan foydalanish imkoniyatlari, shuningdek, ijtimoiy-iqtisodiy muammolarni hal qilishda muhim ahamiyatga ega bo’lgan eksport-import masalalari hamda Oziq-ovqat va qishloq xo’jaligi tashkiloti (FAO) ga aloqador barcha muammolarni yechimlari ko’rib chiqildi.


O‘zbekiston Respublikasi va Saudiya Arabistoni delegatsiyasi o‘rtasida biznes forumi tashkil etildi

Biznes forumdagi ishtirok

Buxoro shahrida O‘zbekiston Respublikasi va Saudiya Arabistoni delegatsiyasi o‘rtasida savdo-iqtisodiy va investitsiyaviy hamkorlik aloqalarini yanada rivojlantirish maqsadida biznes forum bo’lib o’tdi.

Biznes forumda iqtisodiyotning neft-gaz, kimyo, farmatsevtika, sog‘liqni saqlash, qurilish, to‘qimachilik, qishloq xo‘jaligi, oziq-ovqat sanoati, mehmonxona, axborot-texnologiyalar va savdo tarmoqlari vakillari ishtirok etdi.

Saudiya Аrabistoni Investitsyalar vaziri Khalid Аl-Falih boshchiligidagi delegatsiyaning Buhoro shahrida bo’lgan biznes forum uchrashuvi yakunlandi.

Mazkur uchrashuvda “B2B” muzokaralarni samarali tashkil etish masalalari muhokama qilindi. Shuningdek forumga taklif etilgan ikki mamlakat tadbirkorlari oʼrtasida hamkorlik kelishuvlariga erishildi va forum doirasida turli muzokaralar oʼtkazildi. Biznes forumga O’zbekiston eksportchilari uyushmasi raisi Muxtor Umarov hamda O’zbekiston oziq-ovqat sanoati uyushmasi raisi Bahodir Umirshayxov Uzdavkarantin xodimi Muslimbek Xalilov qatnashishdi.

2021 yil mamlakatimizda “Yoshlarni qo‘llab-quvvatlash va aholi salomatligini mustahkamlash yili” deb eʼlon qilindi

Qadrli xalq noiblari!

Aziz yurtdoshlar!

Barchangizga maʼlumki, kirib kelayotgan 2021 yilda O‘zbekiston Respublikasining davlat mustaqilligiga 30 yil to‘ladi. Albatta, bu tarixiy sanani siz azizlar va butun xalqimiz bilan birgalikda, “Yangi O‘zbekistonda erkin va farovon yashaylik!” degan ezgu g‘oya asosida keng bayram qilamiz.

Bugun kelgusi yil uchun reja va dasturlarimizni aniq belgilab olar ekanmiz, mustaqillik yillarida erishgan yutuqlarimizni yana-da mustahkamlab, eng muhim va ustuvor sohalarni rivojlantirishga alohida eʼtibor qaratamiz, albatta.

Taʼkidlash kerakki, pandemiya barchamizga tibbiyotning birlamchi bo‘g‘ini, tez yordam xizmati, sanitariya-epidemiologiya tizimini tubdan isloh qilish muhim hayotiy zarurat ekanini yana bir bor ko‘rsatdi.

Hozirgi vaqtda dunyoning boshqa mintaqalarida kuzatilayotgan “pandemiyaning navbatdagi to‘lqini” va u bilan bog‘liq xavf-xatarlar hammamizni yana-da hushyor va ogoh bo‘lishga undamoqda.

Buyuk ajdodimiz Imom Moturidiy hazratlarining “Tiriklik hikmatini sog‘liqda, deb bilgin”, degan chuqur maʼnoli so‘zlari naqadar to‘g‘ri ekanini hayotning o‘zi bugun qayta-qayta isbotlamoqda.

Shu bois, mavjud imkoniyat va salohiyatimiz, pandemiya davrida orttirgan tajribamiz hamda xorijdagi ilg‘or yutuqlardan foydalanib, aholi salomatligini asrash va mustahkamlash borasidagi tub islohotlarimizni yangi bosqichga ko‘tarishimiz zarur.

Bunda aholi, ayniqsa, yoshlarimiz o‘rtasida sog‘lom turmush tarzini keng targ‘ib etish – eng ustuvor yo‘nalishlardan biri bo‘lishi lozim.

Umuman, har qanday jamiyat taraqqiyotida uning kelajagini taʼminlaydigan yosh avlodning sog‘lom va barkamol bo‘lib voyaga yetishi hal qiluvchi o‘rin tutadi.

Shu sababli biz islohotlarimiz ko‘lami va samarasini yana-da oshirishda har tomonlama yetuk, zamonaviy bilim va hunarlarni puxta egallagan, azmu shijoatli, tashabbuskor yoshlarimizga tayanamiz.

Biz o‘z oldimizga mamlakatimizda Uchinchi Renessans poydevorini barpo etishdek ulug‘ maqsadni qo‘ygan ekanmiz, buning uchun yangi Xorazmiylar, Beruniylar, Ibn Sinolar, Mirzo Ulug‘beklar, Navoiy va Boburlarni tarbiyalab beradigan muhit va sharoitlarni yaratishimiz kerak.

Bunda, avvalo, taʼlim va tarbiyani rivojlantirish, sog‘lom turmush tarzini qaror toptirish, ilm-fan va innovatsiyalarni taraqqiy ettirish milliy g‘oyamizning asosiy ustunlari bo‘lib, xizmat qilishi lozim.

Ushbu maqsad yo‘lida yoshlarimiz o‘z oldiga katta marralarni qo‘yib, ularga erishishlari uchun keng imkoniyatlar yaratish va har tomonlama ko‘mak berish – barchamiz uchun eng ustuvor vazifa bo‘lishi zarur. Shundagina farzandlarimiz xalqimizning asriy orzu-umidlarini ro‘yobga chiqaradigan buyuk va qudratli kuchga aylanadi.

Shu maqsadda, “Yangi O‘zbekiston – maktab ostonasidan, taʼlim-tarbiya tizimidan boshlanadi”, degan g‘oya asosida keng ko‘lamli islohotlarni amalga oshiramiz.

Birinchidan, yosh avlodga bog‘cha, maktab va oliygohda sifatli taʼlim-tarbiya berishni yo‘lga qo‘yamiz, ular jismoniy va maʼnaviy sog‘lom, vatanparvar insonlar bo‘lib ulg‘ayishi uchun barcha kuch va imkoniyatlarni safarbar etamiz.

Ikkinchidan, yoshlarni zamonaviy bilim va tajribalar, milliy va umumbashariy qadriyatlar asosida mustaqil va mantiqiy fikrlaydigan, ezgu fazilatlar egasi bo‘lgan insonlar etib voyaga yetkazamiz.

Uchinchidan, o‘g‘il-qizlarimizni mehnat bozorida talab yuqori bo‘lgan zamonaviy kasb-hunarlarga o‘rgatish, ularda tadbirkorlik ko‘nikmalari va mehnatsevarlik fazilatlarini shakllantirish hamda tashabbuslarini ro‘yobga chiqarish, ish va uy-joy bilan taʼminlashga ustuvor ahamiyat qaratamiz.

Manba: www.president.uz

Qozog‘istondagi chakana savdo sotuvchilar, ishlab chiqaruvchilar va importyorlar uchrashuvi.

2019 yilning 21-22 noyabr kunlari Almatada Exim Expo tomonidan tashkillashtirilgan yirik savdo-sotiq dunyosi tadbirlari bo‘lib o‘tdi. Ushbu tadbirning maqsadi ko‘rgazma va MDHning eng yirik chakana savdo sotuvchilari va oziq-ovqat mahsulotlarini ishlab chiqaruvchilarining uchrashuvini tashkil etish edi.

O‘zbekiston Respublikasi Qandolatchilikni Rivojlantirish Uyushmasi raisi B.B. Umirshayxov boshchiligida qandolatchilik mahsulotlarini ishlab chiqaruvchilari tomonidan taqdim qilindi. Ushbu tadbir natijasida 9 nafar ishlab chiqaruvchilardan 4 nafari yirik chakana savdo korxonalari bilan eksport shartnomalari tuzildi.

Qishloq Xo‘jaligi Vazirligi bilan uchrashuv

2019-yil 8-iyul kuni O‘zbekiston Qishloq xo‘jaligida vazirligida “Qandolatchilikni rivojlantirish uyushmasi” raisi M.Umarov xamrohligidagi kelgan Turkiyalik investorlar bilan uchrashuv bo‘lib o‘tdi.

Mazkur uchrashuvda O‘zbekistonda organik o‘g‘itlarni ishlab chiqarishni yo‘lga qo‘yish bo‘yicha investitsiya kiritish loyihasi muhokama qilindi.

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »