Bugun Sanitariya-epidemiologik osoyishtalik va jamoat salomatligi qo‘mitasi va O‘zbekiston Oziq-ovqat sanoati uyushmasi o‘rtasida memorandum imzolandi.

Memorandum doirasida:

Tadbirkorlarni qo‘llab-quvvatlash orqali O‘zbekistonda ishlab chiqarilayotgan mahsulotlar eksportini kengaytirish.

Laboratoriyalar oziq-ovqat mahsulotlarini xavfsizlik va sifat bo‘yicha xalqaro talablarga muvofiq sinovdan o‘tkazish imkonini beradigan zamonaviy uskuna va materiallar bilan jihozlash.

Laboratoriyalarni xalqaro akkreditatsiyalash.

Sinov protokollarini ishlab chiqish.

Eksport qiluvchilar uchun qo‘llanmalar ishlab chiqish.

Qo‘mita xodimlarining malakasini oshirish.

Standartlarni uyg‘unlashtirish kabi vazifalar amalga oshiriladi.

«O‘zbekiston Oziq-ovqat sanoati» uyushma raisi Bahodir Baxtiyarovich boshchiligida Turkiyaning Global Is Getlistirme Platformasi raisi Burhaneddin Yildiz, Alfa Turk Gruop kompaniyasi rahbari Mehmet Turker hamda uyushmaga aʼzo bir qator tadbirkorlar bilan uchrashuv bo‘lib o‘tdi.

Muzokara davomida ikki mamlakat tadbirkorlari o‘rtasida hamkorlik, Turkiyalik investorlarni jalb qilish, Tarmoqli oziq-ovqat do‘konlarni birgalikda O‘zbekistonda tashkil qilish, o‘zbek oziq-ovqat mahsulotlarini Turkiya, Suriya, Arab davlatlariga eksport masalalari muhokama qilindi.

Joriy yilning 10 may kuni Qishloq xo‘jaligi vazirligida Qandolat va muzqaymoq mahsulotlari ishlab chiqarish masalalariga bag‘ishlangan yig‘ilish bo‘lib o‘tdi.

Vazir Ibrohim Abdurahmonov raisligida o‘tgan yig‘ilishda ayni yo‘nalishdagi ishlarning bugungi holati, mahsulot qadoqlashdagi nomuvofiqliklar va kontrafaktga qarshi kurashish tizimi sustligi, tadbirkorlik faoliyatlarida duch kelayotgan to‘siqlar, moliyaviy-texnik muammolar va tashqi bozorlarga, ayniqsa Rossiya bozoriga chiqishdagi cheklovlar haqida gapirdi.

Yig‘ilish yakunida mavjud muammolardan kelib chiqib, har bir yo‘nalish bo‘yicha kompleks taklif va chora-tadbirlar ishlab chiqish vazifasi masʼullarga yuklatildi.

Rossiya bozoriga kirishni osonlashtirish uchun yangi imkoniyat!

Endilikda “O‘zbekiston Oziq-ovqat sanoati” uyushmasi va O‘zbekiston Respublikasi Qishloq xo‘jaligi vazirligi hamkorligida oziq-ovqat sanoati korxonalariga Rossiya bozoriga “Rosselxoznadzor” va “Rospotrebnadzor” reyestrlariga kirishda sunʼiy tarif va notarif to‘siqlarni yengib o‘tishda yordam beriladi!

Qo‘shimcha maʼlumot uchun:

+998333000063

Qandolat va muzqaymoq mahsulotlarini ishlab chiqaruvchi korxonalar bilan ochiq muloqot.

O‘zbekiston oziq-ovqat sanoati uyushmasi, Qishloq xo‘jaligi vazirligi bilan hamkorlikda, Qishloq xo‘jaligi vaziri Ibrohim Abdurahmonov rahbarligida Qandolat va muzqaymoq mahsulotlarini ishlab chiqaruvchi korxonalar bilan ochiq muloqot o‘tkaziladi. Tadbirda sohada yuzaga kelayotgan muammolar va ularni hal etish yo‘llari muhokama qilinadi.

10.05.2025 14:00

Qishloq ho‘jaligi vazirligi

Ro‘yxatdan o‘tish va qo‘shimcha maʼlumot uchun:

+998333000063​

Sizni ushbu muhim tadbirda faol ishtirok etishga taklif qilamiz!

Oziq-ovqat xavfsizligini taʼminlash masalalariga bag‘ishlangan ochiq muloqot bo‘lib o‘tdi

Bugun Qishloq xo‘jaligi vaziri Ibrohim Abdurahmonov rahbarligida Oziq-ovqat xavfsizligini taʼminlash masalalariga bag‘ishlangan ochiq muloqot bo‘lib o‘tdi. Video-konferensiya shaklida tashkil etilgan ushbu tadbirda vazirlikning tegishli bo‘linmalari rahbarlari, tadbirkorlik subektlari vakillari hamda O‘zbekiston oziq-ovqat sanoati uyushmasi raisi B.B.Umirshayxov ishtirok etdi.

Yig‘ilishda alkogolsiz salqin ichimliklar (pivo, meva sharbatlari, mineral suvlar) ishlab chiqaruvchi korxonalar faoliyati ham chuqur o‘rganildi. Mavjud ishlab chiqarish quvvatlari, zamonaviy texnologik liniyalar, xomashyo bilan taʼminot, savdo va logistika masalalari yuzasidan ochiq va amaliy muloqot olib borildi.

Chorvachilik sohasini rivojlantirishga bag‘ishlangan ochiq muloqot

Qishloq xo‘jaligi vaziri Ibrohim Abdurahmonov rahbarligida oziq-ovqat yo‘nalishidagi klaster va fermer xo‘jaliklari rahbarlari ishtirokida video-konferens-aloqa shaklida ochiq muloqot bilan birgalikda o‘tkazildi.

Muloqot davomida sohani tubdan modernizatsiya qilish, zamonaviy klaster modelini takomillashtirish, sutchilik va chorvachilik yo‘nalishlaridagi mavjud tizimli muammolarni aniqlash va ularni bartaraf etish masalalari keng muhokama qilindi.

Muloqot yakunida, Qishloq xo‘jaligi vazirligi hamda O‘zbekiston oziq-ovqat sanoati uyushmasi birgalikda har bir chorvador va sutni qayta ishlovchi tadbirkor fermerlar uchun real muammolar asosida “yo‘l xaritalari” ishlab chiqish va ularning ijrosini qatʼiy monitoring qilish yuzasidan hamkorlikda ishlashga kelishib olindi.

Chorvachilik sohasini rivojlantirishga bag‘ishlangan ochiq muloqot

O‘zbekiston oziq-ovqat sanoati uyushmasi, Qishloq xo‘jaligi vazirligi bilan hamkorlikda, Toshkent davlat agrar universitetida Veterinariya va chorvachilikni rivojlantirish davlat qo‘mitasi hamda Qishloq xo‘jaligi vazirligi masʼullari ishtirokida ochiq muloqot o‘tkaziladi. Tadbirda sohada yuzaga kelayotgan muammolar va ularni hal etish yo‘llari muhokama qilinadi.

23.04.2025 11:00

TDAU faollar zali

Ro‘yxatdan o‘tish va qo‘shimcha maʼlumot uchun:

@OzodovMirafzal

+998333000063​

Sizni ushbu muhim tadbirda faol ishtirok etishga taklif qilamiz!

Falsifikat mahsulot chiqargan tadbirkorlarga jazo choralari har taraflama kuchaytirilmoqda.

Bugun, 18-aprel kuni “O‘zbekiston oziq‑ovqat sanoati” uyushmasi raisi B. Umirshayxov, Sanitariya-epidemiologik osoyishtalik va jamoat salomatligi qo‘mita raisi B. Yusupaliyev bilan tor doirada uchrashuv o‘tkazishdi.

Uchrashuvda, so‘nggi yillarda korxonalar sanitariya‑gigiyena nazoratida keng ko‘lamli transformatsiyaga muhtojligi alohida tilga olindi. Shu maqsadda, uyushma aʼzolari bilan qo‘mitaning birgalikda nazorat mexanizmlarini ishlab chiqish, trening va seminarlar tashkil etish, falsifikat mahsulotlar bo‘yicha tizimli kurashish va korxonalar faoliyatida yuzaga kelayotgan muammolarni tezroq bartaraf etish yuzasidan monitoringni yo‘lga qo‘yish masalalari muhokama qilindi.

Uchrashuv yakunida tomonlar hamkorlik kengaytirish, hamkorlik memorandumini tuzish va tezroq amaliy ishlarga o‘tishga kelishib olishdi.

Toshkent davlat agrar universitetida “Karera kuni” mehnat yarmarkasi bo‘lib o‘tdi.

Joriy yilning 15 aprel kuni TDAUda, universitetning bakalavriat taʼlim yo‘nalishlari hamda magistratura mutaxassisliklari bitiruvchilarini ishga taqsimlash va ularni ishga joylashtirishni yuqori saviyada tashkil etish maqsadida “Karera kuni” mehnat yarmarkasi tashkil etildi. Unda vazirlik va idoralarning mutasaddi xodimlari, xorijlik ish beruvchi tashkilot, OAV vakillari hamda O‘zbekiston oziq-ovqat sanoati uyushmasi raisi B.B.Umirshayxov ishtirok etdi.

Tadbirda Uyushma raisi talabalarga oziq-ovqat sohasining mehnat bozorida tajribali, amaliy mashg‘ulatlar orqali bilim olgan mutaxasislar kamligini taʼkidlab, mehnat bozoriga kirish uchun o‘qish davrida ko‘proq korxonalar bilan hamkorlikda amaliyotga borish kerakligi haqida tavsiyalar berdi hamda ishlab chiqarishda amaliyot o‘tash istagi bo‘lgan talabalarga uyushma doim sharoit yaratib berishga tayyorligini bildirdi.

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »