Chili olxo‘ri eksporti bo‘yicha jahon rekordini yangiladi, O‘zbekiston esa jahon liderlari to‘rtligiga kirdi!

???? Chili olxo‘ri eksporti bo‘yicha jahon rekordini yangiladi, O‘zbekiston esa jahon liderlari to‘rtligiga kirdi!

EastFruit nashri tahlilchilari xabariga ko‘ra, 2022 yilda Chili sarxil olxo‘ri eksporti bo‘yicha o‘zining 2019 yildan beri saqlanib turgan jahon rekordini yangiladi.

2022 yilda chililik eksportyorlar tashqi bozorlarga 158 ming tonna va umumiy qiymati 235 million dollarlik sarxil olxo‘ri yetkazib berdi. Hajm bo‘yicha eksport o‘tgan yilda davomida 33 foizga oshdi va bu 2019 yildagi avvalgi rekorddan 3 ming tonnaga ko‘pdir.

Janubiy Afrika va Ispaniya hozirgi kunda liderdan deyarli 60 ming tonnaga ortda qolmoqda.

O‘zbekiston esa 2022 yili ushbu reytingda katta natijaga erishdi va jahondagi sarxil olxo‘ri eksportyorlari reytingida to‘rtinchi o‘rinni egalladi. O‘tgan yilgi mavsum davomida O‘zbekiston rekord darajadagi 48,4 ming tonna sarxil olxo‘ri eksport qilishga muvaffaq bo‘ldi.

Murojaat uchun:

+998997232111

+998712203313

Maʼlumotlarni integratsiya (veb-skreyping texnologiyasi) orqali olish amaliyotini yo‘lga qo‘ydi.

O‘zbekiston Respublikasi Prezidenti huzuridagi Statistika agentligi “Korzinka”, “Makro”, “Media Park” va “Asia.uz Supermarket” kabi yirik savdo majmualari bo‘yicha tovarlarning narxlari to‘g‘risidagi maʼlumotlarni integratsiya (veb-skreyping texnologiyasi) orqali olish amaliyotini yo‘lga qo‘ydi.

Kuzatuvga tanlab olingan 30 dan ortiq yirik savdo majmualaridagi 17 000 dan ortiq mahsulot bo‘yicha narxlar to‘g‘risidagi maʼlumotlar hududiy statistika organlari xodimlari tomonidan savdo majmuasiga tashrif buyurmasdan, veb-dastur orqali onlayn ravishda planshetlarga qayd etib borilmoqda.

2020 yilda isteʼmol bozorida narxlar to‘g‘risidagi birlamchi maʼlumotlarni to‘plash jarayonlariga CAPI raqamli texnologiyasi, yaʼni maxsus qurilmalar – planshetlar to‘liq joriy etilgan edi.

Natijada, inflyatsiyani hisoblash jarayonlari avtomatlashtirildi, statistik maʼlumotlarning obyektivligi va yuqori sifatini taʼminlashga erishilmoqda.

Murojaat uchun:

+998997232111

+998712203313

Qirg‘izistonda piyoz eksportiga ruxsat berish uchun tayyorgarlik ko‘rilmoqda

Maʼlumki, piyoz eksportiga qo‘yilgan cheklovlarni bekor qilish to‘g‘risida hukumatga qaror loyihasi taqdim etilgan.

Yanvar oyi oxirida Qirg‘iziston Vazirlar Mahkamasi tomonidan piyoz eksportiga vaqtinchalik taʼqiq joriy etish to‘g‘risida qaror qabul qilingan edi. Taʼqiq 31 yanvardan boshlab uch oylik muddatga kuchga kirdi.

Ushbu chora oziq-ovqat xavfsizligini hamda ijtimoiy ahamiyatga molik oziq-ovqat mahsulotlarining narxi barqarorligini taʼminlash (xususan, piyoz, shalot piyozi, porey piyozi va boshqa sarxil yoki muzlatilgan piyoz turlari) maqsadida amalga oshirilgan edi.

EastFruit nashri xabar qilganidek, Qozog‘iston, O‘zbekiston, Tojikiston va Eron ham piyoz eksportiga cheklovlar kiritgan.

Murojaat uchun:

+998997232111

+998712203313

Mosh eksporti hajmi 2021 yilning mos davri bilan solishtirilganda 4,9 ming kamaygan.

Statistika agentligining dastlabki maʼlumotlariga ko‘ra, 2022 yilda O‘zbekiston 30 ta davlatga qiymati 93,5 mln AQSH dollariga teng bo‘lgan 122,3 ming tonna mosh eksport qilgan. )

Mosh eksporti hajmi 2021 yilning mos davri bilan solishtirilganda 4,9 ming kamaygan.

O‘zbekiston eng ko‘p mosh eksport qilgan davlatlar:

— Xitoy – 107,1 ming tonna

— Qozog‘iston – 7,9 ming tonna

— Eron – 1,7 ming tonna

— Tojikiston – 1,5 ming tonna

2022 yilda xorijga eng ko‘p mosh eksport qilgan hududlar:

— Toshkent viloyati – 51,2 ming tonna

— Namangan viloyati – 21,3 ming tonna

— Jizzax viloyati – 16,1 ming tonna

— Samarqand viloyati – 13,6 ming tonna

Murojaat uchun:

+998997232111

+998712203313

Bugun O‘zbekiston-Ozarbayjon ishbilarmonlar kengashining uchinchi yig‘lishi bo‘lib o‘tdi.

Unda ikki mamlakatning Savdo-sanoat palatasi rahbariyati, ishbilarmon doira vakillari hamda tadbirkorlar safida O‘zbekiston Oziq-ovqat sanoati uyushmasi rahbariyati ham ishtirok etdi.

Tadbirda Ishbilarmonlar kengashi tomonidan mamalakatimizda amalga oshirilayotgan islohotlar, tadbirkorlarga yaratilayotgan imkoniyatlar yuqori baholandi.

Shuningdek, uchrashuvda turli sohalardagi investitsiyaviy hamkorlik va infratuzilma loyihalari muhokama qilindi.

Murojaat uchun:

+998997232111

+998712203313

Hindistonning O‘zbekistondagi elchixonasi tomonidan «Xalqaro tariqlar yili – 2023» ga bag‘ishlangan maxsus kecha bo‘lib o‘tdi

Ramada mehmonxonasining Panarama zalida tashkil etilgan mazkur tadbirda Hindiston Respublikasining O‘zbekistondagi muxtor elchisi janob Vinod Kumar tomonidan donli ekinlar tarixi va ularning jamiyat kundalik hayotida tutgan o‘rni haqida nutq so‘zlandi.

Uchrashuvda O‘zbekiston Oziq-ovqat sanoati uyushmasi vakillari ham ishtirok etdi va mamlakatimizda tariq ekinini samarali yetishtirish bo‘yicha o‘z fikr-mulohazalarini bildirib o‘tishdi.

Murojaat uchun:

+998997232111

+998712203313

Diqqat, eʼlon!

2023 yil 23 mart kuni Rossiyaning Moskva shahrida joylashgan «Radisson Slavyanskaya» mehmonxonasida «MDH mamlakatlari shakar bozori» yillik konferensiyasi bo‘lib o‘tadi.

Uning doirasida shakar bozori tahlili, tendensiyalari va prognozlari, MDH mamlakatlari hamda jahon shakar bozoridagi asosiy o‘zgarishlar muhokama qilinadi.

Yevroosiyo shakar uyushmasi va Xalqaro shakar tashkiloti tomonidan tashkil etilayotgan ushbu konferensiyada jahon energiya inqirozi, inflyatsiya va shakar narxi, Yevroosiyo qand lavlagi gibridi, shakar bozoriga tegishli bozorlarning taʼsiri kabi masalalar muhokama qilinadi.

Batafsil maʼlumotni quyidagi saytdan olishingiz mumkin:

http://sugarconference.ru/

Murojaat uchun:

+998997232111

+998712203313

Zararlangan yong‘oqlarni yo‘q qiluvchi bog‘ roboti «Yil agroroboti» sifatida eʼtirof etildi.

Yangi aqlli qishloq xo‘jaligi roboti — InsightTRAC Rover bog‘ bo‘ylab avtonom harakatlanib, bodom daraxtlaridagi zararkunandalarni yo‘q qiladi. Xuddi shu robot FIRA — 2023 robototexnika yutuqlari xalqaro ko‘rgazmasida «Ag Robot of the Year 2023» nominatsiyasi bo‘yicha mukofotni qo‘lga kiritdi.

InsightTRAC Rover — bodom zararkunandalariga qarshi kurashuvchi robot daraxtlar salomatligini yaxshilash va hosildorlikni oshirish maqsadida yaratilgan. Yig‘im-terimdan keyin daraxtlarda qolib ketadigan bodom bog‘dorchilik ekinlari, meva va yong‘oq plantatsiyalari uchun o‘ta xavfli ko‘plab zararkunandalarning asosiy oziq-ovqat manbai bo‘lib qoladi.

O‘ziyurar shassi uskunalari zararkunandalar va qurtlarning lichinkalarini ekologik sof biologik parchalanuvchi granulalar bilan «o‘q otuvchi» ixtisoslashgan ishchi organlar yordamida yo‘q qiladi.

O‘zbekistonda 2022 yilda yirik korxonalar tomonidan 7,1 ming tonna vafli mahsulotlari ishlab chiqarilgan.

Statistika agentligining dastlabki maʼlumotlariga ko‘ra, O‘zbekistonda 2022 yilda yirik korxonalar tomonidan 7,1 ming tonna vafli mahsulotlari ishlab chiqarilgan.

Vafli mahsulotlari ishlab chiqarish hajmi 2021 yil bilan solishtirilganda 4,4 barobarga oshgan.

2022 yilning dekabr oyida yirik korxonalar tomonidan 591,4 tonna vafli mahsulotlari ishlab chiqarilgan.

Murojaat uchun:

+998997232111

+998712203313

Isroilning MetoMotion startapi sunʼiy intellekt asosida ishlaydigan ilk pomidor yig‘ish robotini ishlab chiqdi

U hosilni yig‘ish uchun sarflanadigan mehnat talablarini taxminan 90% va ishlab chiqarish xarajatlarini 50% gacha kamaytirishi mumkin.

Meva va sabzavot terimchilarining global tanqisligi isroillik MetoMotion startap asoschisi Adi Nirni dunyodagi birinchi pomidor terish robotini yaratishiga sabab bo‘ldi.

Qurilma sunʼiy intellekt asosidagi 3G sensorli ko‘rish texnologiyasi bilan jihozlangan bo‘lib, u o‘simlik va uning hosilini xaritaga tushiradi. Ilg‘or ko‘rish tizimi terish uchun pishgan pomidorni aniqlaydi va manipulyatorni kerakli joyga yo‘naltiradi.

Qurilma bir harakatda pomidor shoxlarini kesib, ushlaydi va mevalarni konveyerga joylashtiradi.

Hosilni yig‘ish uchun issiqxona atrofida harakatlanganda, robot har bir pomidorning pishishi, miqdori, vazni va hajmi haqidagi maʼlumotlarni avtomatik ravishda aniqlaydi. Maʼlumotlardan foydalanib, hosilning miqdori va pishish vaqtini taxmin qilish mumkin.

Manba: EastFruit

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »