MIHAS 2026 xalqaro ko‘rgazmasiga TAKLIF ETAMIZ !

Sizlarni Malaysia International Halal Showcase (MIHAS) 2026 xalqaro ko‘rgazmasida ishtirok etishga taklif etamiz. Ushbu ko‘rgazma dunyodagi eng yirik Halol sanoati platformalaridan biri bo‘lib, ayniqsa oziq-ovqat yo‘nalishida keng imkoniyatlar yaratadi.

Sana: 23–26 sentabr 2026 yil

Manzil: Kuala Lumpur, Malayziya

Oziq-ovqat yo‘nalishlari:

  • Halol oziq-ovqat mahsulotlari
  • ichimliklar (beverages)
  • go‘sht va parranda mahsulotlari
  • sut va sut mahsulotlari
  • qandolat va non mahsulotlari
  • konservalangan va qayta ishlangan mahsulotlar
  • yarim tayyor va tayyor ovqatlar

Uyushma a‘zolari uchun maxsus imkoniyatlar:

  • 3 kecha mehmonxona
  • guruhli transfer
  • ko‘rgazmaga kirish

Ushbu ko‘rgazma sizga yangi eksport imkoniyatlari, xalqaro hamkorlar topish va Halol oziq-ovqat bozoriga chiqish imkonini beradi.

Aloqa uchun:

Tel:+99871 220 33 13

O‘zbekiston oziq-ovqat sanoati uyushmasi raisi boshchiligidagi delegatsiya Malayziyada, Malayziya palma yogi kengashi boshchiligidagi «Trade Networking» tadbirlarida ishtirok etdi.

​Tashrifning muhim natijalari:

​• Strategik muzokaralar: Malayziya palma yog‘i kengashi (MPOC) rahbariyati bilan xomashyo yetkazib berish bo‘yicha kelishuvlarga erishildi.

• Diplomatik ko‘mak: Tashrifni yuqori saviyada tashkil etishda O‘zbekistonning Malayziyadagi Elchixonasi beqiyos hissa qo‘shdi.

• Milliy jamoa: Yurtimizning 33 ta eng yirik korxonasi malayziyalik hamkorlar bilan to‘g‘ridan-to‘g‘ri B2B aloqalarini o‘rnatdi.

• Sifat va narx: Yangi logistik yo‘laklar mahsulotlarimiz sifatini oshirib, tannarxini arzonlashtirishga xizmat qiladi.

​Jahon bozorlari va ilg‘or texnologiyalar bilan integratsiyalashishda davom etamiz

Kuala-Lumpur, Malayziya

Oʻzbekiston oziq-ovqat sanoati delegatsiyasining Malayziyaga tashrifi davom etmoqda

Bugun, 14-aprel kuni Uyushma delegatsiyasi Pasir Gudang sanoat hududida joylashgan Felda-Johore Bulkers Sdn Bhd hamda Wilmar PGEO Edible Oils Sdn Bhd korxonalarida bo’ldi. Tashrif davomida logistika, mahsulotlarni saqlash va o’simlik yog’larini qayta ishlash boʻyicha ilg’or texnologiyalar ko’zdan kechirildi.

Muzokaralar doirasida korxona rahbariyati bilan brifing va ishlab chiqarish jarayonlari boʻyicha tajriba almashinuvi oʻtkazildi. Ushbu uchrashuvlar O’zbekiston oziq-ovqat sanoatiga xalqaro standartlarni joriy etish va eksport aloqalarini kengaytirishga xizmat qiladi.

O‘zbekiston oziq-ovqat sanoati salohiyati xalqaro maydonda: Malayziyaga rasmiy tashrif

​O‘zbekiston oziq-ovqat sanoati uyushmasi raisi boshchiligidagi delegatsiyaning Malayziya davlatiga ishchi tashrifi davom etmoqda. Tashrif doirasida kecha, dasturga muvofiq, bir qator muhim ob’ektlar va tadbirlarda ishtirok etildi.

​Xususan, delegatsiya a’zolari MPOC (Malaysian Palm Oil Council) vakillari bilan uchrashib, sohadagi o‘zaro manfaatli hamkorlik masalalarini muhokama qildilar.

​Ushbu tadbirlardan ko‘zlangan asosiy maqsad — Malayziyaning oziq-ovqat sanoatidagi ilg‘or tajribasini o‘rganish, yangi texnologiyalarni joriy etish va eksport aloqalarini yanada mustahkamlashdir.

​Bugun esa tashrif rejasi bo‘yicha Johor shtatiga yo‘l olinadi.
​O‘zbekiston oziq-ovqat sanoati uyushmasi xalqaro aloqalarni rivojlantirish va milliy brendlarimizni dunyo bozoriga olib chiqishda davom etadi.

O‘zbekiston oziq-ovqat sanoati uyushmasi MDH xalqaro konferensiyasida ishtirok etdi.

Moskva shahrida bo‘lib o‘tgan “MDH mamlakatlari shakar bozori – 2026” yillik xalqaro konferensiyasida O‘zbekiston oziq-ovqat sanoati uyushmasi raisi ma’ruza bilan ishtirok etdi.

Masofaviy formatda o‘tgan muloqotda respublikamiz shakar tarmog‘idagi tub transformatsiya jarayonlari va erishilgan natijalar taqdim etildi.

Ma’ruzada sohaga joriy etilgan innovatsion mexanizmlar, xususan, Prezidentimizning PF-250-sonli Farmoniga binoan tadbiq etilgan “51-bojxona rejimi” (bojxona hududida qayta ishlash) hamda aksiz solig‘ining bekor qilinishi natijasida narxlar barqarorligi ta’minlanayotgani alohida e’tirof etildi. Ishtirokchilar O‘zbekistonning mintaqadagi jadal rivojlanayotgan shakar xabi sifatidagi o‘rni va JSTga a’zo bo‘lish yo‘lidagi muhim islohotlariga yuqori baho berdilar.

O‘zbekistonda “Iqlimga mos agro-oziq-ovqat investitsiya platformasi” tashabbusi muhokama qilindi

Joriy yilning – 1 aprel kunlari davomida Yevropa tiklanish va taraqqiyot banki (EBRD) hamda BMT Oziq-ovqat va qishloq xo‘jaligi tashkiloti (FAO) missiyasi doirasida O‘zbekistonda “Iqlimga mos agro-oziq-ovqat investitsiya platformasi”ni tashkil etish tashabbusi yuzasidan uchrashuv bo‘lib o‘tdi.

Mazkur platforma agro-oziq-ovqat tizimini barqaror, raqobatbardosh va iqlim o‘zgarishlariga chidamli shaklga o‘tkazishga qaratilgan.

Uchrashuv Oziq-ovqat sanoati uyushmasida bo‘lib o‘tdi. Unda uyushma raisi Baxodir Umirshayxov hamda uyushma raisi o‘rinbosari Ziyodilla Alimov ishtirok etdi.

Tomonlar mazkur tashabbus doirasida hamkorlikni davom ettirishga tayyor ekanliklarini bildirdilar.

Toshkent shahri, 2026 yil 1 aprel

2026 Ningxia Overseas Economic and Trade Cooperation Conference doirasida uchrashuvlar bo‘lib o‘tdi

Joriy yilning 1 aprel kuni “2026 Ningxia Overseas Economic and Trade Cooperation Conference” xalqaro tadbiri doirasida ochilish marosimi va taqdimotlar bo‘lib o‘tdi.

Mazkur tadbir xalqaro savdo-iqtisodiy hamkorlikni rivojlantirish, ishbilarmonlik aloqalarini mustahkamlash hamda oziq-ovqat sanoati va qishloq xo‘jaligi sohalarida tajriba almashish uchun muhim ahamiyat kasb etdi.

Tadbirda Oziq-ovqat sanoati uyushmasi raisi o‘rinbosari Alimov Ziyodilla ishtirok etdi.

Tadbir doirasida Xitoyning Savdo-sanoat palatasi vakillari bilan uchrashuv o‘tkazilib, eksport-import masalalari muhokama qilindi. Xususan, O‘zbekistondan qishloq xo‘jaligi mahsulotlari, jumladan meva va sabzavotlar eksportini kengaytirish masalalari ko‘rib chiqildi.

Uchrashuv yakunida tomonlar hamkorlikni yana-da rivojlantirishga tayyor ekanliklarini bildirdilar.

Toshkent shahri, 2026 yil 1 aprel

Qandolatchilik sohasiga oid muhim yangilik tadbirkorlar tomonidan mamnuniyat bilan kutib olindi.

Muayyan turdagi qandolatchilik mahsulotlarini ishlab chiqarishda qo‘llaniladigan shakar va boshqa ingrediyentlar importiga bojxona to‘lovlarini bekor qilish bo‘yicha yangi tartib joriy etilishi ma’lum qilindi.

Mazkur imtiyozlar faqat qandolatchilik mahsulotlarini mamlakat ichida ishlab chiqarish uchun olib kiriladigan xomashyoga nisbatan, bojxona hududida qayta ishlash rejimi doirasida qo‘llaniladi.

Ushbu qaror mahalliy ishlab chiqaruvchilar uchun qo‘shimcha qulayliklar yaratib, mahsulot tannarxini pasaytirish, ishlab chiqarish hajmini oshirish hamda bozordagi raqobatbardoshlikni kuchaytirishga xizmat qilishi kutilmoqda. Tadbirkorlar ushbu yangilikni sohani qo‘llab-quvvatlash yo‘lidagi muhim qadam sifatida baholamoqda.

Shuningdek, Komissiya tadbirkorlardan imtiyoz qo‘llaniladigan qandolatchilik mahsulotlari va ularning xomashyolari ro‘yxatini shakllantirish yuzasidan takliflar berishni so‘radi. Bildirilgan takliflar ko‘rib chiqilib, ma’qullangan taqdirda tegishli ro‘yxatga kiritilishi ma’lum qilindi.

“Oʻzbekiston oziq-ovqat sanoati uyushmasi” Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil huzuridagi Jamoatchilik kengashi tarkibiga kiritildi.

Mazkur Kengash davlat organlari va tadbirkorlik subyektlari oʻrtasida samarali va tizimli muloqotni rivojlantirish, shuningdek, biznesning huquqlari va qonuniy manfaatlarini himoya qilish sohasida institutsional mexanizmlarni takomillashtirishga qaratilgan.

Kengash faoliyati doirasida ishbilarmonlik muhitini yaxshilash, amaldagi tartib-taomillarni optimallashtirish hamda olib borilayotgan islohotlar samaradorligini oshirishga doir masalalarni koʻrib chiqishda ishtirok etish nazarda tutilgan.

Mazkur tarkibga kiritilish Uyushmaning ekspert salohiyati va mamlakatda qulay biznes muhitini shakllantirish jarayonidagi oʻrnini yana bir bor tasdiqlaydi.

9 aprel kuni «MDH davlatlari shakar bozori» yillik konferensiyasi

2026 yil 9 aprel kuni «MDH davlatlari shakar bozori» yillik konferensiyasi bo‘lib o‘tadi
Moskva, Redisson Slavyanskaya

Konferensiya «MDH davlatlari shakar bozori» – shakar bozori ishtirokchilari bilan uchrashish va fikr almashish uchun yagona va unikal platforma hisoblanadi, shu jumladan shakar ishlab chiqaruvchilardan tortib, treyderlar va isteʼmolchilargacha. Har yili tadbirda 250 dan ortiq ishtirokchi qatnashadi.

Asosiy masalalar quyidagilarni o‘z ichiga oladi:

  • MDH davlatlari shakar bozorlari – integratsiya, ishlab chiqarish, isteʼmol va eksport;
  • Shakarning konditer mahsulotlari va ichimliklar ishlab chiqarishdagi roli;
  • YEAEB va MDH davlatlarining makroiqtisodiy omillari;
  • Jahon shakar bozori – balans va prognozlar.

Ro‘yxatdan o‘tish uchun: https://sugarconference.ru/

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »