Chorvachilik sohasini rivojlantirishga bag‘ishlangan ochiq muloqot

O‘zbekiston oziq-ovqat sanoati uyushmasi, Qishloq xo‘jaligi vazirligi bilan hamkorlikda, Toshkent davlat agrar universitetida Veterinariya va chorvachilikni rivojlantirish davlat qo‘mitasi hamda Qishloq xo‘jaligi vazirligi masʼullari ishtirokida ochiq muloqot o‘tkaziladi. Tadbirda sohada yuzaga kelayotgan muammolar va ularni hal etish yo‘llari muhokama qilinadi.

23.04.2025 11:00

TDAU faollar zali

Ro‘yxatdan o‘tish va qo‘shimcha maʼlumot uchun:

@OzodovMirafzal

+998333000063​

Sizni ushbu muhim tadbirda faol ishtirok etishga taklif qilamiz!

Falsifikat mahsulot chiqargan tadbirkorlarga jazo choralari har taraflama kuchaytirilmoqda.

Bugun, 18-aprel kuni “O‘zbekiston oziq‑ovqat sanoati” uyushmasi raisi B. Umirshayxov, Sanitariya-epidemiologik osoyishtalik va jamoat salomatligi qo‘mita raisi B. Yusupaliyev bilan tor doirada uchrashuv o‘tkazishdi.

Uchrashuvda, so‘nggi yillarda korxonalar sanitariya‑gigiyena nazoratida keng ko‘lamli transformatsiyaga muhtojligi alohida tilga olindi. Shu maqsadda, uyushma aʼzolari bilan qo‘mitaning birgalikda nazorat mexanizmlarini ishlab chiqish, trening va seminarlar tashkil etish, falsifikat mahsulotlar bo‘yicha tizimli kurashish va korxonalar faoliyatida yuzaga kelayotgan muammolarni tezroq bartaraf etish yuzasidan monitoringni yo‘lga qo‘yish masalalari muhokama qilindi.

Uchrashuv yakunida tomonlar hamkorlik kengaytirish, hamkorlik memorandumini tuzish va tezroq amaliy ishlarga o‘tishga kelishib olishdi.

Toshkent davlat agrar universitetida “Karera kuni” mehnat yarmarkasi bo‘lib o‘tdi.

Joriy yilning 15 aprel kuni TDAUda, universitetning bakalavriat taʼlim yo‘nalishlari hamda magistratura mutaxassisliklari bitiruvchilarini ishga taqsimlash va ularni ishga joylashtirishni yuqori saviyada tashkil etish maqsadida “Karera kuni” mehnat yarmarkasi tashkil etildi. Unda vazirlik va idoralarning mutasaddi xodimlari, xorijlik ish beruvchi tashkilot, OAV vakillari hamda O‘zbekiston oziq-ovqat sanoati uyushmasi raisi B.B.Umirshayxov ishtirok etdi.

Tadbirda Uyushma raisi talabalarga oziq-ovqat sohasining mehnat bozorida tajribali, amaliy mashg‘ulatlar orqali bilim olgan mutaxasislar kamligini taʼkidlab, mehnat bozoriga kirish uchun o‘qish davrida ko‘proq korxonalar bilan hamkorlikda amaliyotga borish kerakligi haqida tavsiyalar berdi hamda ishlab chiqarishda amaliyot o‘tash istagi bo‘lgan talabalarga uyushma doim sharoit yaratib berishga tayyorligini bildirdi.

“ARZEN” O‘zbekistonga kirib kelmoqda!

24-25 mart kunlari Turkiyaning mashhur muzqaymoq va shirinliklar ishlab chiqaruvchi “Arzen” brendi O‘zbekistondagi tadbirkorlar bilan hamkorlikni rivojlantirish yuzasidan uchrashadi.

“Arzen” haqida:

  • 1989-yilda Kılıçoğlu Gıda tomonidan asos solingan;
  • Maraş muzqaymoqlari, baklava, kadayif, tort va boshqa shirinliklar ishlab chiqaradi;
  • Ilg‘or texnologiyalar bilan tabiiy ingrediyentlardan tayyorlangan mahsulotlar;
  • Turkiya va xalqaro bozorlarda o‘z o‘rniga ega;

Katalogi

B2B uchrashuvda ishtirok etish:

+998333000063

@OzodovMirafzal

Xitoy delegatsiyasi bilan samarali uchrashuv!

2025-yil 14-mart kuni Jiangheyuan Investment Group kompaniyasi prezidenti Qiao Jihua va Hefeng Food Co., Ltd. vitse-prezidenti Wang Zhenyong boshchiligidagi delegatsiya O‘zbekiston oziq-ovqat sanoati uyushmasiga tashrif buyurdi.

Tashrif davomida sanoat va qishloq xo‘jaligi sohasidagi hamkorlikni rivojlantirish, xususan, oziq-ovqat, sut fermalari va sut mahsulotlarini qayta ishlash yo‘nalishlaridagi imkoniyatlar muhokama qilindi.

Uchrashuv davomida Uyushma raisi Bahodir Umirshayxov delegatsiya aʼzolari bilan fikr va tajriba almashish bilan birga, o‘zaro manfaatli loyihalarni amalga oshirish bo‘yicha kelishuvlarga erishildi.

Bu tashrif Xitoy-O‘zbekiston o‘rtasidagi hamkorlikni yangi bosqichga olib chiqishga xizmat qiladi.

28 aprel – 2 may kunlari Tehron Xalqaro ko‘rgazmalar markazida Eron Islom Respublikasi eksport salohiyati VII ko‘rgazmasi (IRAN EXPO 2025) bo‘lib o‘tadi.

IRON EXPO 2025 ko‘rgazmasida quyidagi soha vakillari ishtirok etishlari mumkin:

  • oziq-ovqat va sut mahsulotlari sanoati;
  • qishloq xo‘jaligi mahsulotlari;
  • chorvachilik, baliqchilik va suv xo‘jaligi sanoati;
  • tog‘-kon, neft-gaz, neftkimyo;
  • kimyo;
  • elektrotexnika;
  • farmasevtika, tibbiyot jihozlari.

Ko‘rgazma tashkiliy qo‘mitasining maʼlum qilishicha, ko‘rgazma ishtirokchilarining mehmonxonada 4 kecha va 5 kunduz turishlari, to‘liq ovqatlanishlari va harakatlanishlari xarajatlari hamda tarjimon xizmati BEPUL taqdim etiladi.

Batafsil maʼlumot uchun:

+998932533444

Oziq-ovqat sanoatining kelajagini «FOTEG ISTANBUL – 2025» bilan shakllantiring!

Turkiya oziq-ovqat eksportida Yevropa va Shimoliy Amerikaga yo‘naltirilgan asosiy bozorga aylandi. Yuksalib borayotgan talab va yuqori sifat standartlari bilan, FOTEG ISTANBUL 2025 ushbu sektorning yetakchilari uchun eng muhim platformaga aylanmoqda.

Bu yerda:

  • Oziq-ovqat sanoati ekspertlari eng so‘nggi mahsulot va texnologiyalar bilan bo‘lishadilar.
  • Ishlab chiqaruvchilar o‘z bozor ulushlarini oshirish va yangi lazzatlar kashf qilishlari mumkin.
  • Sohadagi yetakchi kompaniyalar yuqori standartlarga erishish uchun birlashadilar.

Uyushma delegatsiyasi uchun bepul imkoniyatlar:

  • 4 yulduzli mehmonxonada, nonushta kiritilgan holda,
  • Aeroport – mehmonxona – ko‘rgazma maydoni va ko‘rgazma maydoni – mehmonxona – aeroport orasida transfer xizmatlari.
  • Ko‘rgazma ishtirokchilari va xaridorlar delegatsiyasi aʼzolari o‘rtasida B2B uchrashuvlari.

Joylar soni: 5 ta kompaniya

24 – 26 Aprel 2025

Istanbul ko‘rgazma markazi

+998932533444 Muslima

FOTEG ISTANBUL 2025 – bu oziq-ovqatni qayta ishlash uchun yuqori sifatli texnika va uskunalar bilan tanishish imkoniyatidir.

O‘ZBEKISTON-POLSHA BIZNES FORUMI

O‘zbekiston va Polsha o‘rtasidagi savdo-iqtisodiy hamkorlikni yana-da rivojlantirish maqsadida O‘zbekiston – Polsha biznes forumi tashkil etiladi. Ushbu forum Polsha bilan bo‘lib o‘tadigan navbatdagi Hukumatlararo komissiya yig‘ilishi doirasida o‘tkaziladi.

Forum doirasida:

  • O‘zbekiston va Polshaning iqtisodiy salohiyati va investitsiya imkoniyatlari taqdimoti
  • Ikki davlat o‘rtasidagi hamkorlikning istiqbolli yo‘nalishlarini muhokama qilish
  • G2B va B2B muzokaralari – hukumat vakillari hamda biznes doiralari o‘rtasida to‘g‘ridan-to‘g‘ri muloqot va hamkorlik masalalari bo‘yicha fikr almashish

Forumda ishtirok etish uchun ro‘yxatdan o‘ting!

Ro‘yxatdan o‘tish havolasi

25-fevral, Toshkent

Joylar cheklangan! Ushbu forum Polsha bilan savdo va investitsiya aloqalarini mustahkamlash uchun muhim platforma bo‘ladi.

Qishloq xo‘jaligi yerlarini monitoring qilish uchun raqamli platforma taqdimoti!

BMTning Oziq-ovqat va qishloq xo‘jaligi tashkiloti (FAO) hamda hamkor tashkilotlar tomonidan 20-fevral kuni qishloq xo‘jaligi yerlarini monitoring qilish uchun raqamli platforma namoyish qilinadi.

Ushbu innovatsion yechim:

  • Yer resurslarini samarali boshqarish,
  • Dehqon va fermerlar uchun aniq maʼlumot taqdim etish,
  • Qishloq xo‘jaligi barqarorligini oshirishga xizmat qiladi.
  • Ishtirok etish

Meeting ID: 959 6933 2425

Passcode: 26010038

O’ZBEKISTON-POKISTON BIZNES FORUMI

Joriy yilning 25-26 fevral kunlari Toshkent shahrida O‘zbekiston-Pokiston biznes forumi bo‘lib o‘tadi.
Tadbir davomida O‘zbekiston va Pokistonning iqtisodiy salohiyati keng namoyish etilib, investitsiya imkoniyatlari haqida batafsil ma’lumot taqdim etiladi. Shuningdek, ikki davlat o‘rtasidagi hamkorlikni rivojlantirishning istiqbolli yo‘nalishlari muhokama qilinadi.
Forum doirasida G2B va B2B muzokaralari tashkil etilib, o‘zaro manfaatli loyihalar va tashabbuslar yuzasidan fikr almashiladi.

Ro‘yxatdan o‘tish davom etmoqda! Forumda ishtirok etish uchun quyidagi havola orqali shaklni to’ldiring

Iste'mol savatchasi: Mandarin USD 1.35 ~ 1/KG; Limon USD 0.85 ~ 2.14/KG; Avokado USD 0.99 ~ 4.14/KG; Mango USD 0.78 ~ 5.50/KG; Banan USD 0.42 ~ 1.11/KG

Translate »